Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, 30 илә јахын иди ки, ермәни вәһшиләри әлиндә ишғалда галан Гарабағ башда олмагла даһа 7 рајонумуз, түрбәләр, мәзарлыглар, мүгәддәс мәканларымыз, донуз төвләсинә чеврилмиш Мәсҹидләр вә Мәдрәсәләримиз вә с. мәдәни вә маариф оҹагларымыз 2020-ҹи илин 27 Сентјабр тарихиндән етибарән 2020-ҹи илин 10 Нојабр тарихинә кими ермәни ишғалчыларынын ҹинајәтләринә гаршы апарылан 44 ҝүнлүк мүһарибәдә мәһз Имам Һүсејн (әлејһи сәлам) ашигләринин баҹарыглы әлләри илә ҝери гајтарылды... Бу, бөјүк Илаһи бир төфһә иди! Әслиндә бу гәләбә, һансыса дөвләтләрин вә јахуд бејнәлхалг тәшкилатларын апардығы сијаси данышыглар вә мүзакирәләрин нәтиҹәси дејил, әксинә Азәрбајҹан Шиә халгынын ајыглығы, хусусән дә, Полад Һәшимов вә онун иҝид достлары кими шәһидләрин шәһадәтинин бәрәкәти вә әзизләримизин шәһид олмаларындан гәзәбләнмиш Азәрбајҹан халгынын сәһнәјә гәлмәси вә өз етиразыны билдирмәсинин нәтиҹәси иди...
Шүбһәсиз ки, әҝәр Азәрбајҹан халгы сәһнәјә чыхмасајды, өзүнүн бу мүһарибәјә һазыр олдуғуну билдирмәсәјди вә вәзифәсини јенә өзү иҹра етмәјиб бејнәлхалг тәшкилатларын үмидинә бурахсајды, тәбии ки, бу торпагларын азад олмасы јенә дә узанаҹагды...
Бунун үчүн дә гәләбәни бизә бәхш едән Јенилмәз Гүдрәт Саһиби Олан Аллаһ Тәалаја һәдсиз шүкүрләр вә һәмд сәналар олсун! Һәмдә вә сәналар олсун ки, шанлы ордумузун вә ҹәсур әсҝәрләримизин әлләрилә торпагларымызы јағы дүшмәнләрдән азад етди вә халгымызын гәләбә һиссләринин јашамагларыны ҝөрмәји бизә нәсиб етди...
Биз һеч заман унутмамалыјыг ки, Гарабағын алынмасына вә бу гәләбәнин әлдә едилмәсинә сырф Азәрбајҹан халгынын ојаглығы вә Аллаһ-Тәаланын лүтфү сәбәб олду! Бу ону ҝөстәрир ки, халгымызын өз торпагларыны дүшмәндән горумаға ҝүдрәти чатыр вә буну бир даһа бизим мүҹаһид, Һүсејнчи әсҝәрләримиз сүбут етди!
Бу һеч заман јаддашлардан силинмәјәҹәк ки, шанлы Азәрбајҹанын мүзәффәр ордусу Аллаһ Тәалаја етдикләри тәвәккүлләри, әзиз Ислам Пејғәмбәри һәзрәти Муһәммәд Мустәфаја (сәлләллаһу әлејһи вә алиһ) вә Онун пак Әһли-бејтинә (әлејһи сәлам) етдикләри тәввәссүлләри, ордудакы низам-интизамлары, шүҹаәт, дирајәт вә дүзҝүн вә дәгиг планлар чәкмәләри илә дүшмән гүввәләрини дармадағын едәрәк ишғал алтында олан әразиләримизи азад етмәјә наил олдулар.
Белә бир һәрби бөлүјләримиздән бири дә, ашағыдакы видеода мүшаһидә едәҹәјиниз Һүсејнчи бөлүјдүр. Онлар дөјүш габағы Имам Һүсејнә (әлејһи сәлам) мәрсијәләр охујуб,Кәрбәла Фатеһиндән илһамланараг дүшмәнә гаршы даһа да әзимкар вә горхмаз олурдулар...
Диггәт: Хәбәрдән Истифадә Етдикдә Мәнбәјә Истинад Лазымдыр!