Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, Ермәнистан ишғалчы гүввәләринә гаршы әкс-әмәлијјата башлајан Азәрбајҹан Республикасынын Икинҹи Гарабағ Мүһарибәси, дахили вә хариҹи дүшмән гүввәләринин тәхрибат јөнүмлү тәблиғатларына бахмајараг сөзүн әсил мәнасында бәндәлијин тәзаһүрү вә али Илаһи дәјәрләрин тәҹәллиҝаһына чеврилмишдир...
Мүһарибәјә көнүллү олараг Аллаһ Тәалаја, Пејғәмбәр (сәлләллаһу әлејһи вә алиһ), Әһли-бејтә (әлејһимус сәлам) вә вәтәнә олан ешг илә јолланан Азәрбајҹанын гејрәтли өвладлары гар вә буран, исти вә сојуг, дөјүш вә сакитлик билмәдән Уҹа Јарадана ибадәтләрини әввәл вахтында јеринә јетирмәләри илә мүасир дөвранымызда инсанларын әјани нүмунәләринә чеврилмишдирләр...
Белә һәрбичиләримиздән бири дә ашағыдакы видеода мүшаһидә едәҹәјиниз һәрбичимиздир. Дөјүш бөлҝәсиндә һәрби машыны кәнара верәрәк Халигинә олан бәндәлик бөрҹүнү әввәл вахтда јеринә јетирир. Јүк машынын өнүндә, чылпаг јер үзәринә өзүнүн ҝүллә кечиртмәз жилетини сәрәрәк, үзәриндә намаз гылыр.
Аллаһ Тәбарәку Тәала һәзрәти Рәсули Әкрәмә назил етдији Гурани Кәримин Әнам сүрәсинин 162-ҹи ајәсиндә бәндәлијин әсас һәдәфини белә ачыглајыр: “Мәним намазым да, ибадәтим дә, һәјатым вә өлүмүм дә аләмләрин Рәбби Аллаһ үчүндүр.”
Диггәт: Хәбәрдән Истифадә Етдикдә Мәнбәјә Истинад Лазымдыр!