Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, дүшмән гүввәләринин мүтәмади ганун позғунчулуғуна вә 28 иллик ишғал етдији әразиләрин һәрби јолла ҝери алмаг мәгсәди илә Азәрбајҹан Республикасы 27 Сентјабр 2020 тарихдә Өз әзмкарлығыны нүмајиш етдирәрәк, әкс һүҹума кечди. Вә Азәрбајҹан Республикасынын һәрбичиләри башланан бу Икинҹи Гарабағ Мүһарибәсини Аллаһ Тәалаја етдикләри ибадәтләри, Пејғәмбәр (сәлләллаһу әлејһи вә алиһ) һәзрәтләри вә Әһли Бејтә (әлејһимус сәлам) олан итаәткарлыглары илә мүгәддәсләшдирмәји баҹардылар.
1990-ҹы илин орталарындан башлајараг бүтүн дүнјада олдуғу кими Азәрбајҹан Республикасында да Халгын мәнлијини, дәјәр вә маһијјәтини овертон пәнҹәрәси адлы консепсија илә 180 дәрәҹә дәјишдирмәјә ҹәһд едән атеист, деист, игноистләр, маныслар вә с. мәнфур үнсүрләрдән фәргли олараг Азәрбајҹан Халгынын дахилиндән гајнагланан кәрбалајылар, мәшһәдиләр вә һаҹылар Икинҹи Гарабағ Мүһарибәсиндә силаһланараг вәтәнин кешијиндә дурмағы вә ишғал олунмуш әразиләримизи ермәни дүшмән гүввәләринин ҹајнағларындан азад етмәји өзләринә шәрәф билдиләр.
Һәгигәтән дә вәтәнә олан һәгиги ешг Гуран вә Әһли-бејтә (әлејһимус сәлам) олан бағлылыгдан вә ешгдән јараныр...
Аллаһ Ордусу, Пејғәмбәр Ордусу вә Имам Һүсејн Ордусу сыраларында дајанан Азәрбајҹанын әсҝәр вә забитләри дөјүшләрдә “Аллаһу Әкбәр!”, “Ја Әли! Кимдир Ахы Ермәни!”, “Ја Әли Анҹаг Ирәли!”, “Ләббејкә Ја Һүсејн!”, “Һејһат Миннә Зиллә!” вә с. дини шүарлар сәсләндирмәләри, вахтында намазларыны гылыб Аллаһ Тәалаја ибадәт етмәләри вә ишғалдан азад етдикләри әразиләрдә илк ҝөрдүкәлри иш Азан вермәләри илә бу мүһарибәнин галиби олдулар...
Һәзрәт Мүһәммәд Пејғәмбәр (сәлләллаһу әлејһи вә алиһ) бујуруб: “Вахтында гылынан намаз ҝөјә уҹалар вә онун елә бир парлаг нуру олар ки, ҝөјләрин гапылары онун үзүнә ачылар вә Аллаһын дәрҝаһына дахил олар. О заман өз саһибинә дуа едер вә дејәр: Сен әввәл вахтында мәни горудуғун кими, Аллаһ да сәни горусун.
Әҝәр намаз әввәл вахтында гылынмаса вә ајры вахтда гылынса, үзү гара ҝөјә уҹалар вә ҝөјләрин гапылары онун үзүнә бағланар. Һөһнә вә әзилми бир парча кими саһибинин үзүнә вурулар вә белә дејәр: Аллаһ сәни зај етсин, неҹә ки, мәни әввәл вахтында зај етдин”.
Һәгигәтән дә Азәрбајҹан әсҝәр вә забитләрини онларын гылдыгары намаз вә тутдуглары оруҹлар онлара гејби јардымларын назил олмасыны тәмин едирди...
Диггәт: Хәбәрдән Истифадә Етдикдә Мәнбәјә Истинад Лазымдыр!