Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, ишғалчы сионист Исраил режими, АБШ, Гәрб Иттифагы вә Русијанын дәстәји илә, Ермәнистан ишғалчы гүввәләринин әһалисинин 98%-ни Мүсәлманлар тәшкил едән Азәрбајҹан Республикасы әлејһинә башлатдығы Икинҹи Гарабағ мүһарибәсиндә Һүсејнчи әсҝәр вә забитләримиз там әзимкарлыгла дүшмән гүввәләри гаршысына чыхдылар. Онлар Аллаһ Уғрунда ширин ҹанларындан кечәрәк нисби гәләбәни әлдә едиб торпагларымызы ҝери алдылар...
Мәлум мәсәләдир ки, вәтәнин кешијиндә дуран Азәрбајҹан Республикасынын шүҹаәтли һәрбичиләринин дөјүш мејданларында ҝөстәрдикләри бөјүк рәшадәтликләри онларын Ашура Мәктәбиндән, Имам Һүсејндән (әлејһи сәлам) алдыглары тәрбијәдән ирәли ҝәлир...
Бу дөјүшләрдә иштирак едән Имам Һүсејн (әлејһи сәлам) дөјүшчүләри, Аллаһ Тәалаја олан бағлылыглары, Пејғәмбәр (сәллаәллаһу әлејһи вә алиһ) вә Онун Пак Әһли Бејтинә (әлејһимус-сәлам) олан итаәткарлыглары илә ишғалчы христиан ермәниләриндән сечилирдиләр...
Ашағыда мүшаһидә едәҹәјиниз видеода Икинҹи Гарабағ Мүһарибәсинин иштиракчысы олан һәрбичимиз ҹәбһә јолдашы Шәһид Үлви Кәримли һаггында үрәк јанғысы илә белә данышыр: “Үлви Кәримли адлы бири вар иди. Аллаһ она гәни-гәни рәһмәт етсин. Ахрынҹы 530 јүксәклијиндә. Биз олдуғумуз мөвгејә идарә олунан ракет салмышдылар. Үлвинин... Ракетин гәлпәси Үлвини там ики јерә бөлмүшдүр. Там ики јерә бөлмүшдүр. Амма Үлвинин... дедији бир дәнә кәлмә мәним һәр дәфә ҝөзүмүн габағындадыр. Јәни Елдар да орда олуб. Үлви бир дәә буну деди ки, мән ҝөрдүјүмү сиз ҝөрмүрсүнүз. Башыны ҝөјә галдырыб бахыб дејирди ки, мәним ҝөрдүјүмү сиз ҝөрмүрсүнүз. Ҝүлә -ҝүлә дә дүнјасыны дәјишди.
Апарыҹы: Бәли Аллаһ шәһидләримизә рәһмәт етсин.”
Аллаһ Сүбһанәһу Тәала Гурани Кәримин Али Имран сүрәсинин 157-ҹи ајәсиндә Онун јолунда ҹиһад едәрәк ҹанындан кечәнләр барәсиндә белә бујурур: “Әҝәр Аллаһ јолунда өлдүрүләр вә ја өләрсинизсә, Аллаһын сизи бағышламасы вә рәһм етмәси шүбһәсиз ки, (кафирләрин дүнјада) топладыглары шејләрдән (сәрвәтдән) даһа хејирлидир.”
Диггәт: Хәбәрдән Истифадә Етдикдә Мәнбәјә Истинад Лазымдыр!