АБНА24 Хәбәр Верир, БМТ АБШ президенти Ҹо Бајденин гәрарыны алгышлајараг, бу аддымларын Јәмин Орду вә Халг Комитәләри Гүввәләри илә бу өлкәнин истефа вермиш һөкумәти вә сәуд коалисијасы арасында гаршыдурмалара сон гоја биләҹәјинә үмидварлыг ифадә едиб. АБШ дөвләт катиби Ентони Блинкен ҹүмә ҝүнү Ҹо Бајденин бу өлкәнин сабиг һөкумәтинин Јәмәнин Әнсаруллаһ Һәрәкатынын адыны террор тәшкилатлары сијаһысына дахил етмәси гәрарынын ләғви илә бағлы фәрманынын чәршәнбә ахшамындан гүввәјә минәҹәјини ачыглајыб. Блинкен бир даһа бу аддымын Јәмәнә һуманитар јардымлар истигамәтиндә олдуғуну иддиа едиб. Доналд Трампын рәһбәрлик етдији АБШ-ын сабиг администрасијасы Ағ Евдәки сәлаһијјәт мүддәтинин сон ҝүнләриндә Јәмәнә тәҹавүз етмиш Сәудијјә Әрәбистаны вә Бирләшмиш Әрәб Әмирликләринин тәләбләринә ујғун олараг, Јәмәнин Әнсаруллаһ Һәрәкатынын лидерләриндән бәзисинин адыны дырнаг арасы АБШ-ын террор тәшкилатлары сијаһысына салыб. Сәудијјә Әрәбистаны, АБШ, Бирләшмиш Әрәб Әмирликләри вә бир нечә диҝәр өлкәнин дәстәји илә 2015-ҹи илин март ајындан бәри Јәмәнә гаршы һәрби һүҹума кечиб вә бу өлкәни гуру, дәниз вә һавадан мүһасирәјә алыб. Сәудијјә Әрәбистаны вә мүттәфигләринин Јәмәндә милитаризми индијәдәк 17 миндән чох јәмәнлинин өлүмү, он минләрлә инсанын јараланмасы вә милјонларла јәмәнлинин дидәрҝин дүшмәси илә нәтиҹәләниб. Сәудијјә Әрәбистанын һәрби тәҹавүзү хүсусилә дә коронавирус дөнәминдә јохсул Јәмән өлкәсини кәскин гида вә дәрман препаратлары чатышмазлығы илә үзләшдириб.
342/