АБНА24 Хәбәр Верир, Ирландијанын Авропа Парламентиндәки нүмајәндәси Мајк Валлас Сәудијјә режими-БӘӘ коалисијасы тәрәфиндән Јәмәнин Гәрбин дәстәји илә бомбаланмасынын давам етмәсини тәнгид едиб. Мајк Валлас Твиттер үзәриндән вердији ачыгламасында бунлары гејд едиб: “Сәудијјә режими-БӘӘ коалисијасы Гәрбин дәстәји илә Јәмәни бомбалајыр вә бунун нәтиҹәсиндә милјонларла јәмәнли аҹлыгдан әзијјәт чәкир. АИ нијә үзвләринин Сәудијјә режиминә вә БӘӘ-јә силаһ сатмасына вә дәстәк вермәсинә иҹазә верир? Авропа дәјәрләри дедијимиз будурму? Јәмәнлиләрин һәјаты ваҹиб дејил?” Гејд едәк ки, 2015-ҹи илин март ајындан етибарән Сәудијјә режиминин рәһбәрлик етдији коалисија Јәмәнин истефа верәрәк, гачмыш екс-президенти Әбдүрраббу Мансур Һадини јенидән игтидара ҝәтирмәк үчүн ағыр һава, гуру вә дәниз һүҹумлары илә касыб Јәмән өлкәсини һәдәфә алыр. Бу һүҹумлар Јәмәнин инфраструктурунун мәһв олмасына вә бу јохсул әрәб өлкәсиндә јохсуллуғун, ишсизлијин вә јолухуҹу хәстәликләрин јајылмасына сәбәб олуб. БМТ мүтәхәссисләри Јәмәни дүнјанын ән бөјүк һуманитар бөһранынын баш вердији өлкә кими гәбул едирләр. Јәмән әһалисинин 75%-ни тәшкил едән 22 милјон инсанын һуманитар јардым вә дәстәјә еһтијаҹы вар. Бунлардан 8.4 милјону нөвбәти јемәкләринин һарадан ҝәләҹәјини билмир.
342/