Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, ишғалчы Ермәнистан гүввәләринин Азәрбајҹан әлејһинә башлатдығы Икинҹи Гарабағ Мүһарибәси заманы Ислам Торпагларынын азадлығы уғрунда ҝедән дөјүшләрдә хејли сајда Шиә руһаниси вә Һүсејнчиләр Шәһид олуб вә јараланмышлар...
Шәһид олан Шиә Руһаниләриндән бири дә Гум Елми Һөвзәсинин Ҹамеәтул-Мустафа (с) Бејнәлхалг Ислам Елмләри Академијасынын Тәбриз филиалынын тәләбәси Һөҹҹәтүл Ислам Маариф Сәфәровдур.
Ҹәлилабад рајонундан олан Руһани Маариф Сәфәров һәлә ијул ајында Товуз истигамәтиндә мәнфур дүшмәнин нөвбәти тәхрибаты заманы көнүллү олараг хидмәт етмәк үчүн Сәфәрбәрлик вә Һәрби Хидмәтә Чағырыш үзрә Дөвләт Хидмәтинә мүраҹиәт етмишди. Икинҹи Гарабағ мүһарибәсиндә исә онун бу арзусу реаллашды.
Гум Елми Һөвзәсинин Ҹамеәтул-Мустафа (с) Бејнәлхалг Ислам Елмләри Академијасынын Тәбриз филиалынын тәләбәси Руһани Маариф Сәфәров, Саларе Шәһидан Имам Һүсејнә (ә) игтида едәрәк, дөјүш заманы бир чох рајонларын ишғалдан азад едилмәсиндә бирбаша иштирак етмиш вә гәһрәманлыг ҝөстәрмишдир.
О, һәр заман әсҝәрләрә вәтәнин кешијиндә лајигли дурмаг үчүн пак олан Ислам Дини тәблиғ едир, Аллаһ тәалаја ибадәт етмәји, намаз гылыб Гурана, Пејғәмбәр вә Онун пак Әһли Бејтинә (ә) тәвәссүл етмәји төвсүјә едәрмиш...
Шәһидин атасы Микајыл Сәфәров өвлады илә бағлы данышаркән билдириб ки, Маариф Муров дағында хидмәтдә оларкән Ҝенерал-мајор Полад Һәшимов онун командири олуб. Командиринин шәһид олмасы хәбәри Маарифи чох сарсытмышды.
Микајыл Сәфәров һәмчинин әлавә едиб ки, Маариф мүһарибә заманы өз әсҝәр јолдашларына шәһадәтин неҹә шәрәфли бир зирвә олдуғуну вә дүшмән тапдағында олан торпагларын ҝери гајтарылмасынын лабүд олдуғуну изаһ едиб.
Маарифин анасы Тамара ханым да оғлу илә бағлы данышаркән билдириб ки, Маариф чох ҝүләрүз, меһрибан, дининә бағлы вә вәтәнпәрвәр бир ҝәнҹ олуб.
Диггәт: Хәбәрдән Истифадә Етдикдә Мәнбәјә Истинад Лазымдыр!