АБНА24 Хәбәр Верир, Назирлик Теһран вахты илә дүнән ҝеҹә билдириб ки, Вашингтон Јәмәнин Әнсаруллаһ һәрәкатына гаршы санксијаларын бир һиссәси үчүн бирајлыг ҝүзәшт верибдир. Америка малијјә назирлијинин билдирдијинә ҝөрә, Јәмәнин Әнсаруллаһ һәрәкаты вә ја әлли фаизиндән чоху бу һәрәката аид олан орган вә ширкәтләр ҝүзәшт лисензијасынын Б бәндиндә изаһ едилән бәзи һаллар истисна олмагла февралын 26-сы саат 00-01 дәгигәјәдәк «санксијадан ҝүзәшт»ә шамил олаҹаг. Америка малијјә назирлијинин бирајлыг лисензијасынын Б бәндиндә билдирилибдир ки, Јәмәнин Әнсаруллаһ һәрәкаты илә бағлы олан физики вә һүгуги шәхсләрин јанварын 25-дәк дондурулмуш һесаблары, һәмчинин Американын сөздә «терроризмлә мүбаризә» гајдаларына ҝөрә, гадаған олан бүтүн малијјә мүбадилә вә фәалијјәтләри бу бирајлыг ҝүзәштә шамил олмајаҹаг. АБШ президенти Ҹо Бајденин тәклиф етдији дөвләт катиби Тони Блинкен дә сон заманлар демишди ки, Вашингтон Јәмәнин Әнсаруллаһ һәрәкатынын террорчу елан едилмәси мәсәләсини јенидән нәзәрдән кечирәҹәк. Јәмәнин мүхтәлиф әјаләтләри дүнән ахшам Әнсаруллаһ һәрәкатыны һимајә истигамәтиндә јәмәнлиләрин милјонлуг јүрүшүнүн шаһиди олублар. Јәмәнлиләр бу јүрүшләрдә Американын кечмиш һөкумәтинин Әнсаруллаһ һәрәкатыны террорчу адландырмаг вә бу һәрәкатын бир груп лидерини санксија етмәк үзрә һәрәкәтини писләјибләр. Трамп һөкумәти өзүнүн сон ҝүнләриндә бир чох бејнәлхалг тәшкилат вә өлкәнин кәскин реаксијасы илә үзләшән бир аддымда Јәмәнин Әнсаруллаһ һәрәкатынын адыны хариҹи террор тәшкилатлары сијаһысына салараг, бу һәрәката гаршы сәрт санксијалар тәтбиг етди. Трамп һөкумәти Јәмәнин Әнсаруллаһ һәрәкатыны террорчу адландырмагла Јәмән халгынын мүгавимәтини зәифләтмәк вә ону тәҹавүзкар сәуд коалисијасы илә мүбаризәдә тәслим олмаға мәҹбур етмәк ардынҹа олубдур. Америка тәҹавүзкар сәуд коалисијасынын Јәмәнә гаршы савашынын әсас һимајәдарларындандыр.
342/