Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, Ермәнистан ишғалчы гүввәләринин Азәрбајҹан әлејһинә башлатдығы икинҹи Гарабағ мүһарибәсиндә Азәрбајҹан Шиә халгы биринҹи Гарабағ дөјүшләриндә олдуғу кими мејдана атылараг дүшмән гүввәләринә гаршы амансыз дөјүшләр апардылар...
Бу дөјүшләрдә Азәрбајҹан һәрбичиләри Аллаһ Тәалаја тәвәккүл едиб, Гуран Кәрим, Пејғәмбәр вә Мәсум Имамлара тәвәссүл етмәклә ҝеҹә-ҝүндүз дүшмән гүввәләри үзәринә шығыјырыдылар...
Белә һәрбичиләрдән бири дә Азәрбајҹан Силаһлы Гүввәләринин Хүсуси Тәјинатлы Гүвәләрин баш лејтенанты шәһид Әлигисмәт Мүкафат оғлу Јагублу иди...
ХТГ-нин баш лејтенанты шәһид Әлигисмәт Мүкафат оғлу Јагублу һаггында гардашы Нурлан Јагублу бу сөзләри дејиб:"Биләнләр билир, һәрбидә ибадәт етмәк чох чәтиндир, биз бир дәфә дә олса онун намазыны гәза етдијини ҝөрмәдик".
"Гардашым ушағлығындан намаз, ибадәт әһли олуб. Ән бөјүк арзусу иди шәһадәтә уҹалмаг. Әлигисмәт Имам Һүсејн, Әһли Бејт ашиги иди. Әсҝәрләри дејир ки, һәрбидә олмаларына бахмајараг ибадәт етмәк истәјәнләрә чох јахшы шәраит јарадырмыш. Билирсиз онун һаггында данышмаг мәним үчүн һәм фәхрдир, һәм дә чәтиндир. О фәргли инсан иди. Онун кими дост, ата, һәјат јолдашы, гардаш, оғул дүнјаја аз-аз ҝәлир. Чох фәдакар иди".
Атасы Мүкафат Јагублу оғлу барәсиндә белә дејир: "Оғлум Әлигисмәт Јагублу Шуша әмәлијјатында ики сүнҝү вә бир нечә гумбара илә өн сырада дүшмәнлә әлбәјаха дөјүшә ҝирәнләрдән олуб. Дөјүш јолдашларынын дедијинә ҝөрә онларла дүшмән әсҝәрини сүнҝү илә мәһв едиб. Онларла јаралы силаһдашыны дөјүш мејданындан чыхарыб. Нојабрын 5-дә ахшам саат 16:00-17:00 радәләриндә Дашалтыда гызғын дөјүшдә онун силаһдашы јарланыр. Јолдашыны чијнинә ҝөтүрүб дөјүш мејданындан чыхараркән артиллерија атәшинә тутулур. Дүшмәнин атдығы топ мәрмисинин гәлпәсиндән алдығы хәсарәтләрдән гәһрәманҹасына шәһадәт зирвәсинә уҹалыр...
Мәним үчүн ағыр олса да, оғлумун шәһадәти илә гүрур дујурам, һәмишә фәхр едирәм. О артыг әввәлдән шәһидлик јолуну сечмишди. Биз һеч вахт онун гаршысыны ала билмәздик. Әлигисмәт һәм дә иманлы адам иди, даим намаз гылырды. Она ҝөрә дә шәһидлији илә бизә бөјүк фәхарәт һисси бәхш еләди..."
Шәһид забитимизин анасы Тәранә Јагубова мүһарибә вахты оғлу илә олан телефон сөһбәтини белә хатырлајыр: "Деди "ана, ушагларымы (5 јашлы Әлиәсҝәр вә 3 јашлы Мәһәммәд) сәнә, атама, гардашларыма тапшырырам, онлардан муғајат олун. Ушаглары мәнә лајигли өвлад кими бөјүдәрсиз. Вәтәнә ҝөзәл өвлад олсунлар, мәним кими һәрбчи дә ола биләрләр. Истәмирәм мәним өвладларым сонра әзијјәт чәксин. О торпаглар алынандан сонра сиз дә, ушаглар да оралара ҝедәрсиниз."
Диггәт: Хәбәрдән Истифадә Етдикдә Мәнбәјә Истинад Лазымдыр!