Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, Икинҹи Гарабағ Мүһарибәсиндә шәһидлик зирвәсинә уҹалан иҝидләримизин һәрәси бир гәһрәманлыг дастаны јазды...
Белә гәһраманлардан бири дә Шәһид ҝизир Мәшһәди Султан Ибраһимовдур. О, Зәнҝилан истигамәтиндә ҝедән дөјүшләрдә јаралы силаһдашыны саваш мејданындан чыхараркән шәһидлик зирвәсини фәтһ едиб...
Шәһидимиз 1996-ҹы ил апрелин 24-дә Салјан рајонунда анадан олуб. Султан 7-ҹи синифә гәдәр Москвада тәһсил алыб. Даһа сонра Салјанда орта мәктәби давам етдириб. Бакы Бизнес вә Кооперасија Коллеҹинин Ҝөмрүк иши ихтисасыны битириб. Тәләбәлик илләриндән сонра Султан 8-ҹи Имам, һәзрәт Әли Ибни Муса әл-Рзанын (әлејһи сәлам) зијарәти мәгсәди илә Иран Ислам Республикасынын мүгәддәс Мәшһәд вә Гум шәһәрләринә ҝедир. Мәшһәди титулуну алараг ҝери дөнүр вә һәјатында дүрүстлүјү вә Исламы өнә чәкир...
Султан сон 1 ил иди ки, Дөвләт Сәрһәд Хидмәтинин Ләнкәран рајон Саһил Мүһафизә Дәстәсиндә чалышырмыш. Атасы шәһидимизин мүһарибәдән әввәл ишини ДСХ-нин хүсуси тәјинатлыларына дәјишмәк истәдијини билдириб. Атасынын хејир-дуасындан сонра 10 ҝүнлүк тәлимләрә гошулур. Бир һәфтә сонра исә артыг хүсуси тәјинатлы олдуғуну билдирир.
Мүһарибә башлајанда Султан вә онун јолдашлары дөјүшләрә јолланыр. Илк өнҹә Муров даһа сонра исә Ҹәбрајыл истигамәтиндә ҝедән дөјүшләрдә иштирак едир. Дејирмиш ки, “һәр шејјахшыдыр. Ермәниләрлә арамызда 150 метр мәсафә вар. Јахын ҝедән кими силаһларыны атыб гачырлар. Чох горхагдырлар”.
Шәһидлик зирвәсинә уҹалмаг онун ән бөјүк арзусу имиш...
Мәшһәди Султан вә силаһдашлары Худафәрин көрпүсүнә бајрағымызын санҹылмасында бөјүк шүҹаәт ҝөстәрибләр...
Дөјүш јолдашынын сөзләринә ҝөрә, Султан вә башга 5 нәфәр Ҹәбрајыл истигамәтиндә әсас јүксәклији әлә кечирәрәк 50 ермәнини мәһв едиб: “30 нәфәр идик. Ермәниләрин миномјотлары галмышды. Султан тәк ҝедәрәк онлары ҝәтирди вә дүшмәнин өзүнә гаршы истифадә етди. Јүксәклији аландан сонра ичмәјә су тапмадыг. Һеч кәс үрәк едиб су ҝәтирмәјә ҝетмирди. Султан буну етди, бизим үчүн су ҝәтирди. О, чох үрәкли вә мәрд иди”.
Шәһидимиз 20 ермәнини мәһв едир, бөјүк гәһрәманлыг ҝөстәрир. Сон дәфә исә атасына месаж јазараг гејд едир ки, һәр шеј јахшыдыр, мәндән нараһат олмајын, гәләбәјә доғру ҝедирик, зәфәрә аз галды.
Микајыл ата дејир ки, 5 ҝүндүр хәбәр алмадығым оғлумдан месаж ҝәләндә үрәјим раһатлады. Анҹаг октјабрын 23-ү зәнҝ еләдиләр ки, Султан шәһид олуб.
Ҹәбрајыл уғрунда мәрдликлә вурушан Мәшһәди Султан дөјүшүн 24-ҹү ҝүнүндә, Зәнҝиланда ән үмдә арзусуна говушду - Шәһидлик зирвәсинә уҹалды.
Султан јаралы дөјүш јолдашларыны саваш мејданындан чыхаран заман снајперлә вурулур. Һәмин дөјүшдә силаһдашлары Худајар вә Халид дә шәһид олур. Мәшһәди Султанын вә диҝәр шәһид достларынын гисасы алыныр.
Шәһидимизин кичик гардашы Агил дә Вәтәнин мүдафиәсинә јолланыб. Султан шәһид оланда ҝәләрәк онун дәфниндә иштирак едиб.
Микајыл ата дејир ки, мән дә дөјүшләрә ҝетмәјә һазыр идим: “Султанла фәхр едирәм ки, Аллаһ мәнә белә бир оғул гисмәт еләди. О, башымы уҹалтды. Султан һәм дә Азәрбајҹанын, бу халгын башыны уҹа етди... Султан кими оғулларымызын сајәсиндә алнымыз ачыг, башымыз дик ҝәзә билирик”.
Султанынарзуларыдавариди. О, идман саһәсиндә уғур газанмаг истәјиб һәмишә. “Азәрбајҹан вә Авропа үзрә чемпион олмаг истәјирди. Русијада оланда да јарышларда иштирак едиб, ҝүләшлә мәшғул олуб, медал вә дипломларла тәлтиф олунуб. Диҝәр арзусу да касыб аиләнин һиҹаблы гызы илә евләнмәк иди. Дејирди ки, касыб гызла евләнәҹәм ки, онун јашамадыгларыны мән јашадым”.
Султан маашыны јардымлара хәрҹләјиб. Ән чох да еһтијаҹ саһибләри үчүн дәрман алармыш. Ислам дининә чох бағлы иди. Бүтүн дини гајдалара әмәл едәрмиш шәһидимиз. Евдә олан сон пулу белә һејванлар үчүн јемәк алармыш. Һејвансевәр олуб Султан. Өз јемәјини дә онларла бөлүб.
Инди Султан достларынын рөјаларына ҝәлир, онларла ҝөрүшүр...
Шәһидимизин 15 илликдостуГисмәтГасымовдаонунлабағлыхатирәләриниданышыб. О билдириб ки, Султанла 9 јашындан бирликдә олублар: “Һәмишә мәсҹиддә бирҝә намаз гылардыг. Мәни тәк гојмурду, ҝеҹәләр мәнлә галарды. О һеч кәсин үстүнә сәсини галдырмазды, налајиг сөзләр ишләтмәзди. Ибадәтләрини вахтлы-вахтында едирди. Аиләликҹә әлләри, көнүлләри ачыг инсанлардыр. Султанын ән бөјүк арзусу да Кәрбәлаја ҝетмәк олуб”.
Султан бөјүјүн-кичијин јерини билән бири олуб. Такси сүрүҹүсү дејирмиш ки, о һәмишә архада отурарды. Сәбәбини сорушанда исә “бирдән јашҹа бөјүк адам ҝәләр, она һөрмәтсизлик олмасын”, дејәрмиш.
Гисмәт Гасымов дејир ки, һәтта Салјанда әрзаг сатан инсанлар да онун шәклини ҝөрәндә ағлајырмыш: “Рајонда һамы ону таныјырды. Һәмишә торпаглар алындыгҹа зәнҝ едирди. Дејәрди ки, мән шәһид олмадым, јәгин нәсә ҝүнаһым вар. Шәһидлик ән бөјүк арзусу иди. Анасына дејирмиш ки, мәним үчүн дуа ет, уҹалым. Тез-тез хәстәләнән иди. Мәндән дәрман мәсләһәт аларды һәмишә. Дәфн едәндән сонра јухума ҝәлди, чох өскүрүрдү. Дедим, ҝедәк дәрман алаг. Мәнә деди ки, бош вер, мән дүзәләрәм, амма анам чох пис хәстәдир. Һәким ресепт јазыб, анҹаг охуја билмирәм, мәнлә аптекә ҝедиб алаг”.
Султанын белә бир јазысына раст ҝәлдим. Дејир ки, Аллаһ ҝүҹлүләри сечмир, сечдикләринә ҝүҹ верир. Инди онун вә Аллаһын сечәрәк ҝүҹ вердији јүзләрлә оғулларымызын руһу шаддыр. Чүнки уғрунда савашдыглары торпагларымыз азаддыр вә һәр кәсә нәсиб олмајан, бүкүләрәк торпаға тапшырылдыглары о үчрәнҝли бајрағымыз азад олунмуш Вәтәндә далғаланыр. Арзусунда олдуғун шәһадәтин мүбарәк, шәһидим!
Диггәт: Хәбәрдән Истифадә Етдикдә Мәнбәјә Истинад Лазымдыр!