Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, ишғалчы Ермәнистан гүввәләринин Азәрбајҹан Республикасына гаршы башлатдығы Икинҹи Гарабағ Мүһарибәси заманы Азәрбајҹан Шиә Халгы бир даһа Аллаһ Тәалаја тәвәккүл едиб, Гурани Кәрим, Пејғәмбәр вә Әһли Бејтә (әлејһимус сәлам) тәвәссүл едиб ермәни фашистләринә гаршы даһа ҹиддијјәтли дөјүшдүләр.
Аллаһ Тәаланын онлара бәхш етдији бөјүк руһ јүксәклији илә һәр ҝүн торпаглары ермәни ишғалындан азад едирдиләр... Бу гәһрәманлардан бәзиләри Аллаһн Һакимијјәтинин әрази бүтөвлүјү уғрунда ҹанларындан кечәрәк Шәһидлик мәгамына уҹалмыш, бәзиләри исә мүхтәлиф бәдән хәсарәтләри алараг Газилик мәгамына јүксәлмишләр... Онлардан бири дә Шәһид Кәрбәлаји Әли Тураҹ оғлу Гулијевдир.
Гулијев Әли Тураҹ оғлу 20 октјабр 2001-ҹи илдә Иран Ислам Республикасынын Мәшһәд шәһәриндә дүнјаја ҝөз ачыб. Алтынҹы синфә гәдәр тәһсилини орада алыб. Бундан сонра о, аиләси илә бирликдә доғма үнвана – Масаллы рајонунун Бөјүк Колатан кәндинә көчүб. Тәһсилини шәһид Симран Рзајев адына кәнд там орта мәктәбиндә давам етдириб. 2019-ҹу илдә орта тәһсилини баша вуруб...
Сентјабрын 27-дән башлајан Икинҹи Гарабағ мүһарибәсиндә дүшмәнин бир нечә постунун алынмасында фәал иштирак едиб. Октјабрын 26-дан 27-нә кечән ҝеҹә Фүзули истигамәтиндә ҝедән дөјүшләрдә дүшмән ҝүлләсинә туш ҝәлиб, шәһидлик зирвәсинә уҹалыб. Шәһид 29 Октјабр тарихиндә Бөјүк Колатан кәнд (Бағыроба) гәбиристанлығында дәфн едилиб.
Азәрбајҹан Республикасынын Президенти Илһам Әлијевин 15 декабр 2020- ҹи ил тарихли Сәрәнҹамына әсасән Силаһлы Гүввәләрин әсҝәри Әли Гулијев (өлүмүндән сонра) “Вәтән уғрунда” медалы илә тәлтиф олунуб.
Диггәт: Хәбәрдән Истифадә Етдикдә Мәнбәјә Истинад Лазымдыр!