Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, ишғалчы Ермәнистан гүввәләринин Азәрбајҹан Республикасына гаршы башлатдығы Икинҹи Гарабағ Мүһарибәсиндә вәтәнин кешијиндә дуруб, дүшмәнлә мүбаризә апармагда Имам Һүсејн (әлејһи сәлам) ашиги олан ләнкәранлыларын өзүнәмәхсус ролу олмушдур...
Ермәи фашистләринә гаршы аиләликҹә ҝедиб вурушараг гәләбә газананларын сајы Ләнкәран мөминләри сырасында һеч дә аз дејилдир. Белә аиләләрдән бири дә Ләнкәран рајону Болады кәндинин 83 јашлы Шаммәд Һәшимовун аиләсидир. Һәшимов дајынын ики оғлу вә үч нәвәси Азәрбајҹан Ордусунун забитләридир... Онлар һамысы дөјүшләрдә ҝөзтәрдикләри шүҹаәт вә иҝидликләринә ҝөрә медал вә орденләрлә тәлтиф едилибләр.
Һәшимовларын 4-ү һәрби тәјјарәчидир, 1-и исә Һәрби Һава Гүввәләринин (ҺҺГ) һава һүҹумундан мүдафиә системиндә хидмәт едиб.
Үч гардаш мајор Галиб, мајор Алим вә мајор Тале һәшимовлар Ҹәмшид Нахчивански адына һәрби лисејин мәзунлары олдугдан сонра Һ. Әлијев адына Али Һәрби Мәктәбдә тәһсилләрини тәјјарәчилик ихтисасы үзрә уғурла баша вурмушлар...
Мирәскәр Һәшимов дејир ки, оғлу әмиләринә бахыб тәјјарәчилик пешәсинә даһа чох мараг ҝөстәриб...
Һәлә Биринҹи Гарабағ Мүһарибәсиндә Вәтәнә ләјагәтлә хидмәт ҝөстәрмиш аилә үзвләри 44 ҝүнлүк Вәтән Мүһарибәсиндә дә шүҹаәт ҝөстәрибләр...
Һәрби Һава Гүввәләринин мајору Араз Һәшимов вә мајор Тале Һәшимов “Азәрбајҹан Бајрағы Ордени” вә “Вәтән Уғрунда Медалы” илә тәлтиф олунублар.
Диггәт: Хәбәрдән Истифадә Етдикдә Мәнбәјә Истинад Лазымдыр!