Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, Ермәнистан ишғалчы гүввәләринин Азәрбајҹан Республикасы әлејһинә башлатдығы икинҹи Гарабағ Мүһарибәсинә Азәрбајҹанын иҝидләри “Ләббејкә Ја Һүсејн!” дејәрәк гатылдылар. Онлар дөјүшләрдә тарих јазыб дастанлара чеврилдиләр...
Бәзиләри дөјүшләрдә тикә-тикә олараг ҹанларыны Ислам Торпагларынын азадлығы уғрунда гурбан вердиләр, бәзиләри мүхтәлиф дәрәҹәли ағыр јаралара алараг сағламлыгларыны әбәди итирдиләр, мүхтәлиф физики гүсурларла өмүрләринин ахырына кими јашамалы олаҹаглар, бәзиләри диҝәр шәхсләрлә бәрабәр сәвијјәдә ҹәмијјәтдә там вә сәмәрәли иштиракына мане олан физики, психи, әгли вә ја һиссијјат позунтуларына сәбәб олан зәдәләр алараг ҝери дөндүләр...
Бүтүн бунлар һәр бир мүһарибәдә баш верәҹәк нормалардыр. Аллаһ Уғрунда Ислам Торпагларынын ишғалдан азад едилмәси үчүн дөјүшә ҝедән мүҹаһидләр үчүн исә бу физики гүсурлар фәхр нишанәләридир...
Бир Ислам Газиси вә Шәһидинин һәр заман мәгамлары алидир, үстүн, тохунулмаз вә һөрмәтә лајигдирләр. Аллаһ ҝөстәрмәмиш әҝәр Шәһидләрә вә Газиләрә ҹәмијјәт вә күтлә тәрәфиндән, рәсми вә гејри-рәсми органлар тәрәфиндән һөрмәт гојулмазса, ҝөрдүкләри иҝидликләр мүгабилиндә Газиләрдә руһ дүшкүнлүјү јарадыларса вә Шәһидләр тез бир заманда унудуларса Шәһидләр, Газиләр вә онларын аиләләри үчүн бундан бөјүк дәрд, о ҹәмијјәт вә күтлә үчүн исә бундан алчаг ҝөрә биләҹәји бир шеј јохдур...
Диггәт: Хәбәрдән Истифадә Етдикдә Мәнбәјә Истинад Лазымдыр!