Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, венесуелалы журналист, мүәллимә, сүлһ активисти вә шаирә, Сибонеј Дел Реј Ҝенерал Гасим Сүлејманинин шәһадәтинин илдөнүмү мүнасибәтилә видеомүраҹиәт пајлашыб. О, Гасим Сүлејманини империализм вә онун дүнјанын шәргиндән гәрбинә гәдәр олан мүттәфигләрилә мүбаризәдә бир нүмунә биләрәк, унудулмаз шәхсијјәт адландырмышдыр.
Сибонеј Дел Рејин мүраҹиәтини сизин диггәтинизә чатдырырыг:
Саламун әләјкум.
Иран Ислам Республикасынын рәһбәри Ајәтуллаһ Сејид Әли Хамәнеи вә Иран президенти Һәсән Руһанијә салам дејирәм.
Инсанларын иззәти, һөрмәти, асајиши вә шәрафәти үчүн мүбаризә апаран вә өз арамлыгларыны дүнја әһалисинин һамысынын арамлығында ахтаран бүтүн бөјүк гадын вә кишиләрә салам дејирәм.
Сүлејмани (радикаллары вә өлкәләри парчаламаг пројектләри илә мүбаризә апарараг) сәрһәдләри горујан бир шәхсијјәт иди. О, дүнјадакы мүстәгил өлкәләрин гула чеврилмәси гаршысында бир манеә иди.
Сүлејмани Ираг әсҝәрләри вә мүбаризләринә өз өлкәләрини парчаланмадан хилас етмәдә, Сурија әсҝәрләринә ИШИД вә радикаллары мәһв етмәдә, Азәрбајҹан Республикасы әсҝәрләринә Гарабағ торпағыны азад етмәдә, Јәмән әсҝәрләринә мүстәгиллији горумада, Әфганыстан әсҝәрләринә тәҹавүз вә дини радикализмлә мүбаризәдә вә саирләринә нүмунә иди.
Америка вә онун Исраил вә башгалары кими дојумсуз мүттәфигләри дүнја тәһлүкәсизлијини тәһлүкә илә үзләшдирдиләр вә Шәһид Сүлејмани бизим дүнјамыза асајишин гајытмасы үчүн өз ҹаныны гурбан верди. Һәгигәтдә о, асајиши бүтүн дүнјаја һәдијјә етди.
Белә бир шәхсијјәтин онларла јанашы јашадығы үчүн, Иран халгына гибтә едирик вә онун Ирандакы һәмвәтәнләри кими, биз дә бу иранлы бөјүк шәхсијјәтин зәһмәтләри гаршысында тәшәккүр едирик.
Шәһид Гасим Сүлејманинин дүнјанын һәр јериндәки бүтүн әсҝәр вә һејранларына дејирәм ки, Сүлејмани империализмлә мүбаризәдә бизим идеалымыздыр. Биз, мүгавимәт ҹәбһәсинин Асија, Африка, Авропадан Америка гитәсинә гәдәр гәләбә чалаҹағы вә сабитләнәҹәји вахтадәк Иран Ислам Республикасы илә өз ешг вә бағлылығымызы давам етдирәҹәјик.
Дүнја “Шәһид Ҝенерал Гасим Сүлејманинин” иззәт вә уҹалығыны унутмајаҹаг.
Вә әләјкум салам.
Сибонеј Дел Реј – венесуелалы журналист, мүәллимә, үмумдүнја сүлһ вә һәмрәјлик активисти вә шаирә.
Диггәт: Хәбәрдән Истифадә Етдикдә Мәнбәјә Истинад Лазымдыр!