Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, Азәрбајҹан Ислам Партијасынын (АИП) сәдри, һазырда һәбсдә олан Гум Елми Һөвзәсинин мәзуну, Һөҹҹәтүл Ислам Доктор Мөвсүм Сәмәдов ишғал алтында олан торпагларымызын азадлығы вә гәләбәмизлә бағлы өз тәәссүратларыны бөлүшүб.
“Бисмиллаһир Рәһманир Рәһим
Шүкүрләр олсун ки, бу јахын ҝүнләрдә шанлы ордумузун вә ҹәсур әсҝәрләримизин әлилә торпагларымызын јағы дүшмәнләрдән азад олмасыны ҝөрмәк бизә нәсиб олду! Бу – бөјүк Илаһи бир төфһәдир! Әслиндә бу гәләбә, һансыса дөвләтләрин вә јахуд бејнәлхалг тәшкилатларын апардығы сијаси данышыглар вә мүзакирәләрин нәтиҹәси дејил, бәлкә сырф халгымызын ајыглығы, хусусән дә, Полад Һәшимов вә онун иҝид достлары кими шәһидләрин шәһадәтинин бәрәкәти вә бундан гәзәбләнмиш Азәрбајҹан халгынын сәһнәјә гәлмәси вә өз етиразыны билдирмәсинин нәтиҹәси иди.
Халгымыз сәһнәјә чыхмасајды, өзүнүн бу мүһарибәјә һазыр олдуғуну ҝөстәрмәсәјди вә өз вәзифәсини јенә бејнәлхалг тәшкилатларын үмидинә бурахсајды, тәбии ки, бу торпагларын азад олмасы јенә дә узанаҹагды.
Лакин, Аллаһ-Тәалаја һәмд олсун ки, бу мүбарәк Шәһадәтләр бир фүрсәтә чевирилди вә Азәрбајҹан халгы өз ордусуну баҹардығы һәр бир васитәјлә дәстәкләди, ҹаны вә гәлбилә ҹәсур әсҝәрләримизин јанында олду, нәтиҹәдә дә илләрлә ишғал алтында олан торпагларымыз азад олунду.
Дүздүр, бу мәсәләдә нараһат едиҹи нүанслар да вар. Белә ки, халгымызын фәдакарлығы илә 30 ил бундан габагкы сәрһәдләримизи бәрпа едә билсәк дә, Гарабағын статусунун там мүәјјән олунмамасы, Лачын коридорунун јаранмасы, Русијанын “сүлһмәрамлы” адланан гошунларынын Азәрбајҹана ҝәлмәси һеч вәҹһлә бизи гане едә билмәз.
Бупроблембирдәфәликвәбирмәналыоларагсоначатаҹагды. Тәәссүфләр олсун ки, бу ҹүр олмады вә биз өз истәдијимизи там шәкилдә әлдә едә билмәдик.
Ермәни халгынын Азәрбајҹан торпагларында мәскунлашмасына ҝәлинҹә исә, демәлијәм ки, бу, халгымызын толерантлығынын ҝөстәриҹисидир. Онлар ҝүнү бу ҝүн дә диҝәр халгларла бәрабәр бурада јашамагдадырлар. Амма бунун рәсми шәкилдә һәјата кечмәси, сырф Азәрбајҹан дөвләтинин бајрағы алтында вә дөвләтчилијимизин гәбул олунмасы шәрти илә формалашмалы иди вә бу мәсәләдә һеч бир ҝүзәштә јол вермәк дүзҝүн дејилди.
Дөвләтимиз буну едә биләрди, чүнки бејнәлхалг иҹтимаијјәт бизим тәрәфмиздә иди. Амма тәәссүф јеридир ки, бу мәсәлә, там өз һәллини тапмады. Үмүд едирәм ки, Азәрбајҹан халгы Гарабағ мәсәләсини бу ҝедишатла битмиш һесаб етмәјәҹәк, торпагларымызын там азад олунмасы јолунда фәалијјәтини давам етдирәҹәк вә һамымыз диҝәр рајонларда олдуғу кими, Азәрбајҹан бајрағынын далғаланмасыны Ханкәдидә дә ҝөрәҹәјик вә бүтүн Гарабағ әразиси һеч бир сүлһмәрамлы гошуна еһтијаҹ олмадан Азәрбајҹан дөвләти тәрәфиндән идарә едиләҹәк, Аллаһын лүтфү сајәсиндә, Азәрбајҹан халгынын там сәлаһијјәти алтында гәрар тутаҹаг, иншәАллаһ.
Биз һеч заман унутмамалыјыг ки, Гарабағын алынмасына вә бу гәләбәнин әлдә едилмәсинә сырф Азәрбајҹан халгынын ојаглығы вә Аллаһ-Тәаланын лүтфү сәбәб олду! Бу ону ҝөстәрир ки, халгымызын өз торпагларыны дүшмәндән горумаға ҝүдрәти чатыр вә буну бир даһа бизим мүҹаһид әсҝәрләримиз сүбут етди! Мән шәһидләримизин аиләләрини саламлајыб вә онлара башсағлығы әрз едиб сәбир диләјирәм.
Гаршыларында баш әјиб тәзим едәрәк: “Шәһидләримизин пак руһлары шад олсун!”- дејирәм. Јаралылара мүкәммәл шәфа арзулајыр вә үмүд едирәм ки, бу зәһмәтләр, мүҹаһидәтләр, фәдакарлыглар тарихдә әбәди олараг галаҹаг вә Аллаһ-Тәаланын дәрҝаһында өз лајигли гијмәтини алаҹаг.
Мөвсүм Сәмәдов
23 нојабр, 2020-ҹи ил.”
Диггәт: Хәбәрдән Истифадә Етдикдә Мәнбәјә Истинад Лазымдыр!