Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, Гарабағын Азадлығы уғрунда Гум Елми Һөвзәсинин әбәссиз көмәкликләри олуб. Белә ки, ишғал алтында олан торпагларымызын азадлығы уғрунда һәтта өз ширин ҹанларындан белә кечибләр. Бунлардан бири дә Һоҹҹәтүл Ислам Шәһид Маариф Сәфәровдур...
Гум Елми Һөвзәсинин әл Мустәфа (с) Бејнәлхалг Ислам Академијасынын Тәбриз шәһәриндәки филиалынын рәһбәрлији Шәһид Һоҹҹәтүл Ислам Маариф Сәфәровун һаггында бәјанат јајыб.
Бәјанатда дејилир:
“Бағышлајан вә меһрибан Аллаһын ады илә
Шәһидлик бөјүк зәфәрдир, Аллаһын салеһ бәндәләрин чоху бир өмүр бу мәгамы анламаг үчүн разү-нијаз етмишләр. Амма Аллаһын бу хүсуси дәвәти јалныз, бәзи мәхсус вә халис бәндәләринә шамил олмушдур. Онлар да мүсәлманларын әрази бүтөвлүкәрини горумаг үчүн бу јолда ҹанларыны мәннан Аллаһа тәслим етмишләр.
Азәрбајҹанын гәдим шиә вә мүсәлман әсилли ҹамааты нечә илләрдир ки, вәһши ермәни ҹинајәткар групунун һүҹумуна мәруз галмышдыр, һәм Ислам мәмләкәти олан әзиз Гарабағ ишғал олунмушдур, һәм дә мәзлум инсанлар өз јурдларындан дидәрҝин дүшмүшдүр вә чохлу ҹаванлар өз милли вә дини һејсијјәтини мүдафиә јолунда өз ҹанларыны фәда етмишләр.
Ҹамиәтүл Мустафа Тәбриз нүмајәндәлијиндә бизим әзиз, сәфалы, ҹалышган тәләбәмиз олан Маариф Сәфәров өз дин вә өлкәсинә хидмәти нәтиҹәсиндә неҹә дә хошбәхт сонлуға јетишди.
О, бәсирәт, аҝаһлыг вә шәһидләр сәрвәри Имам Һүсејнин(ә) “мәнә бир көмәк едән вармы?” нидасына Ләббејк дејәрәк ајағыны ишғал олунмуш Гарабағ торпағына гојараг чох тез заманда шәһадәт шәрбәтини нуш еләди.
Бу әзиз тәләбәнин уҹа руһунун уҹалмасы мүнасибәтилә, онун әзиз аиләсинә, шүҹаәтли Азәрбајҹан халгына вә хүсусән тәләбә јолдашларына тәбрик едир вә башсағлығы верирәм.
Әбәди мәнзилдә руһу шад вә шәһидләрә гонаг олсун.
Меһди Бәхтавәр
Ҹамиәтүл Мустафа, Тәбриз нүмајәндәлији
21 октајабр, 2020
Мүтәрҹим: Сәмәд Нәзәров”
Диггәт: Хәбәрдән Истифадә Етдикдә Мәнбәјә Истинад Лазымдыр!