Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, Икинҹи Гарабағ Мүһарибәсиндә ҹанла-башла вурушан Һүсејнчиләрдән бири дә Лејтинант Русиф Казымовдур.
Русиф Казымов 29 март 1997-ҹи илдә Ҹәлилабад рајонунда анадан олмушдур. Әһли Бејт (әлејһимус сәлам) севәр аиләдә бөјүјүб баша чатмышдыр. Шәһид Елдәниз Јусубов адына Узунтәпә кәнд 1 нөмрәли мәктәбда тәһсил алмыш. Даһа сонра Ҹәмшид Нахчывански адына һәрби лисејә дахил олмушдур. Һәрби лисеји битирдикдән сонра һәрби тәһсилини Һејдәр Әлијев адына Азәрбајҹан Али Һәрби Мәктәбиндә давам етдирмишдир. Мәзун олдугдан сонра лејтенант рүтбәси илә орду сыраларында кәшфијјатчы кими хидмәтә башламышдыр.
Русиф Вәтән Икинҹи Гарабағ Мүһарибәсинин илк ҝүнләриндән дөјүшләрә гатылмышдыр. Кәшфијјатчы кими ҹәбһәнин бир чох истигамәтиндә әмәлијјатлар иҹра етмишдир. 5 нојабр 2020 тарихиндә Лачын истигамәтиндә ҝедән дөјүшләрдә шәһадәтә јүксәлмишдир. Ҹәлилабад рајон Узунтәпә кәнд гәбристанлығында дәфн едилмишдир.
15 декабр 2020 тарихдә исә Азәрбајҹан Республикасы Силаһлы Гүввәләринин һәрби гуллугчуларынын “Вәтән уғрунда” медалы илә тәлтиф едилмәси һаггында Азәрбајҹан Республикасы Президенти Азәрбајҹан Республикасы Конститусијасынын 109-ҹу маддәсинин 23-ҹү бәндини рәһбәр тутараг имзаладығы Сәрәнҹамына әсасән бир сыра һәрби гуллугчулар о ҹүмләдән Казымов Русиф Јусиф оғлу – лејтинант (өлүмүндән сонра) “Вәтән уғрунда” медалы илә тәлтиф едилиб.
Диггәт: Хәбәрдән Истифадә Етдикдә Мәнбәјә Истинад Лазымдыр!