Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, Ермәнистан ишғалчы гүввәләринин Азәрбајҹан Республикасына гаршы башлатдығы Икинҹи Гарабағ Мүһарибәсинин гәһрәманлары сырасында илк нөвбәдә Шиә Руһаниләри јер тутур.
Һәм зијалы һәм дә билдикләринә әмәл едән әмәлисалеһ Шиә Руһаниләри мүһарибәнин илк ҝүнәриндән ҹәбһәјә ҝедәрәк, дөјүш мејданында да өндәрләрдән олдулар. Бунларын сырасында Гум Елми Һөвзәсинин јетирмәси, Һөҹҹәтүл Ислам, Шәһид Шејх Елмәддин Вәлишов мүһарибәнин мүгавимәт сималарындандыр.
Ҹәлилабад рајонундан олан руһани алим Шәһид Шејх Елмәддин Вәлишов һәлә ијул ајында көнүллү олараг дөјүшләрдә иштирак етмәк үчүн Сәфәрбәрлик вә Һәрби Хидмәтә Чағырыш үзрә Дөвләт Хидмәтинә мүраҹиәт етмишди. О Ҹәбрајыл, Фүзули, Губадлы еләҹә дә Хоҹавәндин бир сыра кәндләринин дүшмәндән азад едилмәсиндә фәал шәкилдә иштирак едиб. Дининә бағлы вә вәтәнпәрвәр бир ҝәнҹ олан Елмәддин барәдә онун атасы Фуад Вәлишов билдириб ки, ҝенерал мајор Полад Һәшимовун шәһид олмасындан чох сарсылан Елмәддин бундан сонра көнүллү олараг дөјүшләрдә иштирак етмәк үчүн мүраҹиәт етмишди.
Фуад Вәлишов һәмчинин елавә едиб ки, Елмәддин дөјүш заманы әлиндн јараланса да инадла дөјүшү давам етдирмәк истәјиб.
Елмәддинин анасы Минарә ханым исә өвлады илә бағлы хатирәләриндән данышыб.
Елмәддинин јахынлары да өз нөвбәсиндә билдирибләр ки, шәһидимиз чох үнсијјәтҹил вә савадлы бир ҝәнҹ олуб. О һәр заман өз билијини әтрафындакыларла пајлашар вә һәр кәсин маарифләнмәси үчүн әлиндән ҝәләни едәрди.
Һөҹҹәтүл-Ислам Маариф Сәфәров вә Шејх Елмәддин Вәлишов кими мөмин ҹаванларын тимсалында бу мүһарибәдә дүнјасыны дәјишән бүтүн Азәрбајҹан шәһидләринин руһлары шад олсун. Онлар шәһидләр ағасы Имам Һүсејнә (әлејһимус сәлам) игтида едәрәк, Аллаһ јолунда шәһидлик зирвәсинә уҹалыб әбәди сәадәтә говушдулар.
Диггәт: Хәбәрдән Истифадә Етдикдә Мәнбәјә Истинад Лазымдыр!