АБНА24 Хәбәр Верир, Јәмән Али Ингилаб Комитәсинин рәһбәри Мәһәммәд Әл-Һуси "Тwиттер" һесабында јазыб: "Тәҹавүзкар сәуд коалисијасы бир тәрәфдән һәрби һүҹум вә мүһасирәјә давам етдирир вә диҝәр тәрәфдән, данышыглар үчүн һазыр олдуғуну иддиа едир". "Инди онлара буну дејирик: сүлһ гапысы ачыгдыр вә данышыгларын ачары сизин әлиниздәдир. Тәнлијин һәлли ајдындыр", - дејә о, билдириб Әл-Һуси әлавә едиб: "Әрәб режимләри јәмәнлиләри өлдүрмәк үчүн АБШ-ла әлбир олдулар, нәтиҹәдә АБШ мүтәффиги олдуғу әрәб һөкумәтләрини тәһгир етди вә онлары Исраил режими илә мүнасибәтләрини нормаллашдырмаға вадар етди". АБШ президенти Доналд Трампын әрәб режимләринин сионист режимлә мүнасибәтләрини нормаллашдырмаг үчүн тәзјигләри нәтиҹәсиндә индијәдәк БӘӘ, Бәһрејн, Судан, Мәракеш вә Бутан дипломатик әлагәләри нормаллашдырмаг үзрә сионист режимлә разылашма әлдә едибләр. Сәудијјә Әрәбистаны АБШ, БӘӘ вә бир нечә диҝәр өлкәнин дәстәјилә 2015-ҹи илин март ајындан Јәмәнә һәрби һүҹум едиб вә бу јохсул өлкәни һава, гуру вә дәниздән мүһасирәјә алыб. Әрәбистан вә мүттәфигләринин Јәмәндәки милитаризми индијәдәк, 16 миндән чох јәмәнлинин өлүмүнә, он минләрлә инсанын јараланмасына, милјонларла јәмәнлинин исә дидәрҝин дүшмәсинә сәбәб олуб.
342/