Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, Иран Ислам Республикасынын пајтахты Теһранда Азәрбајҹанын Гарабағ вә Мүгавимәт шәһидләринә һәср олунмуш биринҹи аным мәрасими вә сәрҝи тәшкил олунуб.
Шаһ Әбдүләзим Һәсәни (әлејһи сәлам) зијарәҝаһында кечирилән мәрасим чәрчивәсиндә Гарабағ вә дүшмән тәҹавүзүнә мәруз галмыш Ислам дүнјасынын диҝәр бөлҝәләриндә шәһид оланлара һәср олунмуш сәрҝи нүмајиш етдирилиб.
ИИР Хариҹи Ишләр Назиринин мүавини Әмир Һүсејн Абдуллаһиан, Иран Ислами Шура Мәҹлисинин Тәбриз милләт вәкили Мүтәфәккир Азад, Сепаһын-Гүдс Корпусунун командан мүавини Сәрдар Һиҹази вә диҝәр рәсми вә гејри-рәсми шәхсләр иштирак етдији мәрасим Гуран Кәримин нурани ајәләринин тилавәти илә рәсми ачылышыны елан едиб. Даһа сонра Иран Ислам Ҹүмһуријјәти вә Азәрбајҹан Республикасынын дөвләт һимнләри сәсләндирилиб.
Тәдбирдә Теһранын мүвәггәти Имам Ҹүмәси, Ајәтуллаһ Мәһәммәд Сиддиги, Азәрбајҹан тәләбәләри адындан Кәрбәлаји Елман Рәсулов, ИИР Бејнәлхалг СӘҺӘР телевизијасынын Бакы офисинин кечмиш рәһбәри, Бөрһан Һешмәти чыхышлар едиб, дәјәрли Әһли-бејт (ә) мәддаһы Һаҹы Меһди Рәсули Шәһидләрә, Азәрбајҹана вә Түркијә президенти Әрдоғана һәср едилмиш шеир, гәсидә вә нөвһәләр сәсләндириб.
Диггәт: Хәбәрдән Истифадә Етдикдә Мәнбәјә Истинад Лазымдыр!