АБНА24 Хәбәр Верир, Јәмән ордусу вә Убәјдә гәбиләләринин дәстәкләдији халг комитәләри, бир нечә ҝүндүр Сәудијјә режими-БӘӘ тәҹавүзкар коалисијасынын әмәлијјат отагларына ракет зәрбәләри ендирәрәк, стратежи Мәариб шәһәринә доғру сон ирәлиләјишләри давам етдирирләр. Ливанын Әл-Әхбар гәзети, Јәмән ордусунун сон ҝүнләрдә Мәарибин гәрбиндә јахшы ирәлиләдијини вә Рағван бөлҝәси әтрафындакы Умм Әл-Һана бөлҝәсини азад етмәји баҹардығыны билдириб. Гүввәләр Јәмәнин истефа верәрәк гачмыш екс-президенти Әбдүр Раббу Мәнсур Һадинин гүввәләри илә тоггушмалардан сонра, Мәарибин шимал-гәрбиндәки Әл-Фатихә вә Әл-Аҹуз бөлҝәләрини азад едә билибләр. Гәзетин јаздығына ҝөрә, бу ирәлиләјиш ордуја вә халг комитәләринә Рағвандакы Әсәд базасыны мүһасирәјә алмаға, Мәариб вә Әл-Ҹәвф вилајәтләри арасындакы Сәудијјә режиминин коалисијасынын гәрарҝаһына јахынлашмаға имкан верәҹәк. Бу һүҹумларла паралел олараг, Јәмән гүввәләри Тадавин дүшәрҝәсиндәки Сәудијјә режиминин коалисијасы әмәлијјат отағына баллистик ракет зәрбәләри ендирмишди. Һүҹумлар заманы 15 сәудијјәли командир вә әсҝәри өлдүрүлмүш вә јараланмышды. Мәариб гәбиләләриндәки мәнбәләр дә Әл-Әхбара ачыгламаларында, Јәмән гүввәләринин Нахла бөлҝәләрини нәзарәт алтына алмаға мүвәффәг олдугларыны сөјләјибләр. Бу әразиләр Мәариб вә Сарваһ бөлҝәләри арасында јерләшир. Јәмән гүввәләри хаин Һади гүввәләри илә мүбаризәни Мәарибин шималындакы Әл-Саһил бөлҝәләринә дашымағы баҹарыб. Мәнбәләрин билдирдијинә ҝөрә, бу тоггушмаларын ҝедиши орду вә халг комитәләринин гәрбдән вә шималдан Мәариб тәрәфдашларына доғру ирәлиләдијини ҝөстәрир. Јәмәнин һөкумәт гүввәләри Мәариби азад етмәјә гәрар версә дә, шәһәрдә мүмкүн гәдәр тоггушмаларын гаршысыны алмаға вә башга јолларла азад етмәјә чалышырлар. Мәлуматлы мәнбәләр Мәариб гәбиләләриндән ибарәт һејәтин бу һәфтәнин орталарында шәһәрә доғру һәрби ирәлиләмәсинин гаршысыны алмаг вә сүлһ разылығына ҝәлмәк үчүн Сәнаја ҝәлдијини вурғуламышды. Бу мәнбәләрин билдирдијинә ҝөрә, Мәариб гәбиләләри вә шәһәрин бәзи јерли мәмурлары Әнсаруллаһын баш катиби Сејид Әбдүлмәлик Бәдрәддин Әл-Һуси планыны мәмнунијјәтлә гаршылајыблар. Әл-Һуси Мәариби мәһв олмагдан вә ган төкмәкдән узаглашдырмағы тәклиф етмишди, лакин Сәудијјә режими истәнилән разылашманы рәдд едир.
342/