АБНА24 Хәбәр Верир, БМТ-нин Һуманитар Ишләр Үзрә Координасија Офиси бу ҝүн (1 декабр) Сәудијјә режими-БӘӘ коалисијасынын Јәмәнә тәҹавүзүнүн гурбанларынын сајы илә бағлы статистик мәлумат јајыб: бу рәгәм чох јүксәкдир, гәбуледилмәздир. Бејнәлхалг гурум, Јәмәнин ҝери дөнмәз нөгтәјә ҝәлдијини вә инди атәшкәсә даһа чох еһтијаҹ олдуғуну билдириб. Бунунла әлагәдар, ОҸҺА дүнән ҝеҹә Јәмәнин гәрбиндәки Әл-Һудејда әјаләтиндә 14 гадын вә ушағын өлдүрүлмәсинә реаксија вериб. ОҸҺА-дан верилән ачыгламада, гадынлара вә ушаглара едилән һүҹумун гәбуледилмәз вә әсассыз олдуғу вурғуланыб: “Һүҹум дәһшәтли вә бејнәлхалг һуманитар һүгугун кобуд шәкилдә позулмасыдыр. Иштирак едән тәрәфләрдән мүлки шәхсләри горумаг үчүн аддымлар атмасы тәләб олунур”. Бәјанатда билдирилиб ки, Јәмән һазырда дүнјанын ән бөјүк һуманитар бөһраны илә үзләшир вә сакинләринин 80%-дән чохунун һуманитар јардым вә дәстәјә еһтијаҹы вар.
342/