АБНА24 Хәбәр Верир, Јәһја Сәри бу ҝүн вурғулајыб: "Јәмән ордусунун ракет бөлмәләри "Гүдс 2" типли ганадлы ракетлә Ҹиддәдәки “Арамҹо”-нун пајлама стансијасыны уғурла һәдәфә алыблар". Јәһја Сәри гејд едиб ки, "Гүдс 2" ракети уғурла һәдәфә дәјиб вә һадисә јеринә јанғын сөндүрән вә тәҹили јардым бригадалары ҹәлб едилиб. Јәмән ордусунун сөзчүсү дејиб: "Бу әмәлијјат Јәмәнә һүҹум вә онун мүһасирәсинин давам етмәсинә, һәмчинин Јәмәнин силаһлы гүввәләринин нечә ҝүн әввәл Сәудијјә Әәрбистанын дәринлијиндә ҝенишмигјаслы әмәлијјата даир вәдләринә әсасән, һәјата кечирилиб". Сәри бир даһа Сәудијјә Әәрбистанында чалышан хариҹи вәтәндашлар вә ширкәтләрә хитабән дејиб: "Јәмән ордусунун әмәлијјатларынын давам едәҹәјини нәзәрә алараг, һәјати әһәмијјәт дашыјан објектләрдән узаг дурмалыдырлар, чүнки бу објектләр һәдәфләр сијаһысында јер алыб". Јәмән ордусу вә халг комитәләри гүввәләринин мүдафиә ҝүҹү, өлкәнин Сәудијјә режими тәрәфиндән һәртәрәфли мүһасирәјә алынмасына бахмајараг, ҝүндән-ҝүнә артмагдадыр. Сәудијјә Әрәбистаны, АБШ, Бирләшмиш Әрәб Әмирликләри вә бир нечә диҝәр өлкәнин дәстәји илә 2015-ҹи илин март ајындан бәри Јәмәнә гаршы һәрби һүҹума кечиб вә бу өлкәни гуру, дәниз вә һавадан мүһасирәјә алыб.
342/