АБНА24 Хәбәр Верир, ракет һүҹуму нәтиҹәсиндә истефа едән Јәмән режиминин нүдафиә назири Мәһәммәд әл-Мәгдашы вә баш гәрарҝаһ рәиси Сагир бин Әзизин мәһв едилдији еһтимал едилир. Мәлумата ҝөрә, ракет һүҹумунда Әһмәд Әл-Кәәби, Шәми Мәһәммәд Әл-Асири вә Тариг Әһмәд Әл-Мәһбаши адлы Сәудијјә режиминин 3 забити дә јараланыб. Сәудијјә режими вә истефа вермиш Әбдүрраббу Мансур Һади режиминин ракет һүҹуму илә бағлы һәлә ачыглама вермәјиб. Јәмәнин гәрбиндәки Мәариб шәһәри Јәмән ордусу вә ингилаби халг комитәләринин (Әнсаруллаһ) мүһасирәсиндәдир вә шәһәрин һәрби базалары дәфәләрлә Әнсаруллаһ ракетләри тәрәфиндән һәдәфә алыныб. Һүҹум ҹүмә ахшамы (12 нојабр) ҝеҹә Сәудијјә режиминин ҹәнуб-гәрбиндә Ҹизан нефт терминалында јанғын олмасы барәдә хәбәрләр јајыландан сонра баш вериб. Әнсаруллаһын бу ҝүн Мәариб вилајәтиндәки Әл-Ҹуба шәһәринин Умм Әл-Риш базасыны да ракетлә һәдәфә алыб. Хаин Мәнсур Һади гүввәләринин ән мүһүм командирләриндән бири олан Сејф Әш-Шададинин һүҹум заманы јараландығы дејилир. Шадади әввәлләр Әл-Гаидә террор груплашмасынын командири олуб вә Мәарибин ҹәнуб ҹәбһәләриндә фәалијјәт ҝөстәриб.
342/