АБНА24 Хәбәр Верир, Јәмәнин Әл-Мәсирә каналынын мәлуматына ҝөрә, Мәһәммәд Насир Әл-Атифи елан едиб ки, Јәмән өз чәкиндириҹилик ҝүҹүнү ҝүҹләндирмәклә тәҹавүзкарлары мәһв етмәјә вә онлары дағыдыҹы бир мәғлубијјәтлә үзләшдирмәјә гадирдир. О, ишғалчылығы гәбул етдирмәк ардынҹа олан бир дүшмәнлә һеч бир сүлһ вә сазишин олмајаҹағыны вурғулајараг, әлавә едиб: "Сәуд дүшмән јалныз мүһарибә дилини баша дүшүр" Јәмәнин мүдафиә назири ишғалчыларын вә тәҹавүзкарларын бу өлкәдән чыхарылмасы ваҹиблијини вурғулајыб вә Јәмәнин силаһлы гүввәләринин гуру, һава вә дәниздә әһатәли стратежи вариантлара үз тутмаг азминдә олдугларыны бәјан едиб. Әл-Атифи, һәмчинин дејиб: "Јәмән халгына сөз веририк ки, бу өлкәдә һеч бир тәҹавүзкар вә ишғалчы галмајаҹаг". Сәуд коалисијасы 2015-ҹи ил мартын 25-дән Јәмәнә гаршы мүһарибәјә башлајыб. Бу мүһарибә бирбаша вә ја долајсы илә 100 миндән чох өлү, јүз минләрлә јаралы вә үч миндән чох инсанын дидәрҝин дүшмәси илә нәтиҹәләниб.
342/