АБНА24 Хәбәр Верир, Јәмәнин нефт назири Әһмәд Дарс дејиб: 2018-ҹи илдә сәуд тәҹавүзкарлары 18 милјон, 2019-ҹу илдә исә тәгрибән отуз милјон баррел Јәмән нефтини гарәт етдиләр. Дарс сонра дејиб: Тәҹавүзкарлар Јәмән нефтинин сатышындан әлдә етдикләри ҝәлирләри сәуд банкларына көчүрүрләр. Јәмән Сәһијјә Назирлијинин Тәҹили Јардым Шөбәсинин мүдир мүавини Әбдулкәрим Әннәһари дә нефт мәмулатларынын баша чатмасы нәтиҹәсиндә бу өлкәдә јаранмыш һазыркы шәраит илә бағлы хәбәрдарлыг едиб вә белә дејиб: Јәмәндә тәҹили јардым демәк олар ки, дајаныбдыр вә бу, танкерләрин тәҹавүзкар сәуд коалисијасы тәрәфиндән мүсадирә олунмасына ҝөрәдир. Бундан өнҹә дә јәмәнли рәсмиләр билдирмишдиләр ки, бу өлкәдә нефт мәмулатларынын баша чатаҹағы һалда, Јәмәндә бир чох сектор ифлиҹ олаҹаг вә ҝениш мигјаслы бир фаҹиә баш верәҹәкдир. Јәмән халгынын гида маддәләринә вә јанаҹаға сон дәрәҹә еһтијаҹ дујмасына рәғмән, сәуд коалисијасы Јәмәндән милјонларла баррел нефт оғурламагдан әлавә, јанаҹаг дашыјан ҝәмиләрин бу өлкәјә ҝиришинә хәләл ҝәтирир вә онлары сахлајыр. Бу да Јәмәндә јанаҹаг вә нефт мәмулатлары чатышмазлығы бөһраныны артырыбдыр.
342/