АБНА24 Хәбәр Верир, Әл-Мәсирә телеканалынын мәлуматына ҝөрә, сәуд коалисиjасынын гырыҹыларынын Мәариб, Әл-Ҹоуф, Һәҹҹә вә Әл-Беjза вилаjәтләринә һүҹумлары jашаjыш массивләри вә инфраструктурларын дағыдылмасы илә нәтиҹәләниб. Сәуд коалисиjасы, һәмчинин ҹүмә ҝүнү дә Јәмәнин гәрбиндә jерләшән Әл-Һүдеjдә вилаjәтинин мүхтәлиф бөлҝәләринә һүҹум едәрәк, атәшкәс режимини 115 дәфә позублар. Сәуд коалисиjасы гырыҹыларынын Јәмәнә һүҹумлары елә бир һалда давам едир ки, Јәмәнин Әнсаруллаһ һәрәкаты бу гырыҹыларын Әл-Ҹоуф вилаjәтинә етдиjи һүҹумларында бир нечә ушаг вә гадында дахил олмагла, 31 мүлки шәхсин һәлак олмасындан хәбәр вериб. Исвечдә Сәна вә Әр-Риjад нүмаjәндә һеjәтләри арасында әлдә едилмиш атәшкәс разылашмасы 2018-ҹи ил декабрын 18-дән Јәмәнин гәрбиндә jерләшән Әл-Һүдеjдә вилаjәтиндә гүввәjә миниб, Лакин сәуд коалисиjасы ону һәр ҝүн позур. Сәудиjjә Әрәбистаны 2015-ҹи илин март аjындан АБШ, БӘӘ вә бир нечә диҝәр өлкәнин дәстәjилә Јәмәнә һүҹум едиб вә бу өлкәни гуру, һава вә дәниздән мүһасирәjә алыб. Сәудиjjә Әрәбистаны вә мүттәфигләринин Јәмәнә һәрби һүҹуму индиjә кими, он миндән чох jәмәнлинин өлүмү, он минләрлә нәфәрин jараланмасы вә милjонларла jәмәнлинин дидәрҝин дүшмәси илә нәтиҹәләниб.
342/