АБНА24 Хәбәр Верир, Әл-Ҹәзирә телеканалынын мәлуматына ҝөрә, Беjнәлхалг Әфв Тәшкилаты Британиjанын тиҹарәт назиринин Әрәбистана силаһ сатышыны бәрпа етмәк илә бағлы ачыгламасына реаксиjада, Әр-Риjада силаһ сатышынын гадаған едилмәсини чағырыб. Лиз Трусс иjулун 7-дә Британиjанын Иҹмалар палатасында чыхышы заманы иддиа едиб ки, апарылан арашдырмалара әсасән, Әрәбистана һәрби силаһ сатышынын һеч бир тәһлүкәси jохдур вә бу силаһлардан ҹидди инсан һаглары позунтуларында истифадә еһтималы jохдур. Инсан һүгаглары мүдафиәчиләри Британиjа һөкумәтинин Әрәбистана силаһ сатмаға даир гәрарыны утандырыҹы һәрәкәт кими дәjәрләндирибләр. Британиjа Јәмән мүһарибәсинин башланмасындан бәри Әрәбистана тәхминән беш милjард фунт стерлинг дәjәриндә силаһ ихраҹатына иҹазә вериб вә сәуд гүввәләринин тәлиминдә бөjүк рол оjнаjыбдыр. Даилj Маверик порталы бу jахынларда Британиjанын һәрби дәниз донанмасынын сәуд коалисиjасы гүввәләринә лазыми тәлимләр кечәрәк, Јәмән лиманларынын мүһасирәсиндә көмәк етдиjини ифша едиб. Сәудиjjә Әрәбистаны АБШ, БӘӘ вә бир нечә диҝәр өлкәнин дәстәjилә 2015-ҹи илин март аjындан Јәмәнә һүҹум едиб вә бу өлкәни блокадаjа алыб. Сәудиjjә Әрәбистаны вә мүттәфигләринин Јәмәнә һәрби һүҹумлары он минләрлә инсанын өлүмү вә милjонларла jәмәнлинин дидәрҝин дүшмәси илә нәтиҹәләниб.
342/