Керри ҹүмә ахшамына кими Лозаннада галаҹаг\ Зәриф: баҹ истәjәнләрә тәслим олмаjаҹағыг

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, АБШ Дөвләт Департаментинин сөзчүсү дөвләт катиби Ҹон Керринин ҹүмә ахшамына кими Лозаннада галаҹағыны билдириб
Мари Һарф чәршәнбә ҝүнү өз Твиттер сәһифәсиндә мүзакирә тәрәфләринин һәлә дә сиjаси бир анлашмаjа наил ола билмәдикләрини jазараг, АБШ дөвләт катиби Ҹон Керринин ҹүмә ахшамы ҝүнорта саатларына кими Лозаннада галаҹағындан хәбәр вериб.
Бундан өнҹә ИТАР-ТАСС чәршәнбә ҝүнүнүн сонуна кими Иран вә 5+1 групу арасында анлашманын әлдә олунмасы еһтималынын зәиф олдуғуну билдирмишди.
Алманиjа хариҹи ишләр назири Франк Валтер Штаjнмаjер дә чәршәнбә ҝүнү мүзакирәләрин ҹүмә ахшамы да давам едәҹәjини деjиб: "Һәләлик Лозаннада галаҹағыг, ҝөрәк ҹүмә ахшамы мүзакирәләрин ҝедишиндә нә баш верәҹәк".
Бу арада Иран Ислам Республикасынын хариҹи ишләр назири Мәһәммәд Ҹавад Зәриф чәршәнбә ҝүнү Лозаннада журналистләрә вердиjи ачыгламада деjиб: Иран конструктив анлашманын әлдә олунмасында гәтиjjәтлидир. Амма, тәһдидләр вә баҹ истәмәләр гаршысында да тәслим олмаjаҹаг.
Мәһәммәд Ҹавад Зәриф дүнjанын бөjүк гүдрәтләрини Исвечрәнин Лозанна шәһәриндә нүвә анлашмасына наил олмаг үчүн jаранмыш мисилсиз фүрсәтдән jарарланмаға чағырыб.
Иран хариҹи ишләр назири Иранын мүзакирәләрдә гәтиjjәтли вә мүзәкирәләрдә мүәjjән ҝүзәштләрә ҝетмәjә һазыр олмасына ишарә едәрәк, Иран илә мүзакирә апаран тәрәфләрин дә анлашмаjа наил олмаг үчүн сиjаси ирадә нүмаjиш етдирмәли вә ҝүзәштә ҝетмәjә һазыр олмалы олдугларыны билдириб.
Зәриф әлавә едиб: мүзакирәләрдә ирәлиләjиш сиjаси ирадәдән асылыдыр вә гаршы тәрәф бу мәсәләдә һәмишә ҹидди проблемә малик олуб.  
Диггәт: Хәбәрдән истифадә етдикдә мәнбәjә истинад лазымдыр