Беjнәлхалг коалисиjа “ИШИД”ин мөвгеләринә 17 һава зәрбәси ендириб

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән,Беjнәлхалг коалисиjа гүввәләринә мәхсус һәрби тәjjарәләр сутка әрзиндә “ИШИД”ин мөвгеләринә 17 һава зәрбәси ендириб
Бу барәдә Америка Бирләшмиш Штатларынын Мәркәзи Команданлығы билдириб.
Мәлумата ҝөрә, коалисиjа Суриjада террорчуларын ҹанлы гүввә вә һәрби техникасына Түркиjә илә сәрһәддә jерләшән Кобанидә 8 зәрбә ендириб. Һәмчинин, Деjр-әз-Зорда нефт чыхартма обjекти, Ракка шәһәриндә исә силаһ анбары мәһв едилиб. Ирагда коалисиjа гүввәләри  “ИШИД”-ин мөвгеләринә 7 һава зәрбәси ендириб.
Хатырладаг ки, АБШ-ын һәрби авиасиjасы  августун 8-дән етибарән Ирагда, сентjабрын 23-дән исә Суриjада “ИШИД”-ин мөвгеләринә һава зәрбәләр ендирир. Ирагдакы  әмәлиjjатларда Австралиjа, Белчика, Бөjүк Британиjа, Данимарка, Канада, Нидерланд вә Франсанын, Суриjада исә Бәһреjн, Иорданиjа, Бирләшмиш Әрәб Әмирликләри вә Сәудиjjә Әрәбистанынын һәрби тәjjарәләри иштирак едир.
Диггәт: Хәбәрдән истифадә етдикдә мәнбәjә истинад лазымдыр