Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, узун узады сүрән хәстиликин нәтиҹәсиндә гардашыны итирмиш Исвеч вәтәндашы, Париси тәмсил едән Пари Сен Жерман футбол комадасынын һүҹумчусу Златан Ибраһимович өтән ҝүн, 15 Апрел, 2014-ҹү илдә гардашы үчүн тәшкил олунан дәфн мәрасимини Мүсәлман адәт әнәнәсинә ујғун олараг, Ислам тәлимләри әсасында һәјата кечириб.
Златан Ибраһимовичин гардашынын ҹәназәси Исвечин Малмо шәһәриндәки Мүсәлман гәбиристанлығына апарылараг, орада Исвечли Мүсәлман Руһанинин Имамлығы илә ҹәназәјә аилә үзвләри, достлары тәрәфиндән Намаз гылыныб. Даһа сонра исә ҹәназә торпаға тапшырылыб.
1990-ҹы илләрин сонунда "Малмө" клубунда футбола башлајан Ибраһимович 1999-2001-ҹи илләрдә бу клубун һејәтиндә чыхыш едиб. Даһа сонра о, 2001-2004-ҹү илләрдә Нидерландын "Ајакс" клубу, 2004-2006-ҹы илдә 16 милјон авроја Италијанын "Јувентус" клубу, 2006-2009-ҹу илә кими диҝәр Италија клубу "Интер"лә, 2009-ҹу илдә Испанијанын "Барселона" клубу, 2010-ҹу илдә Италијанын "Милан" клубу, 2012-ҹи илдә Франсанын "Пари Сен-Жермен" клубу илә мүгавилә имзалајыб. Алты клубун һејәтиндә УЕФА Чемпионлар Лигасында чыхыш едән З. Ибраһимович өз һәјат јолдашы вә ушаглары илә бирликдә гардашынын дәфн мәрасиминдә иштирак едиб.
Атасы Шефик Ибраһимович Боснијалы, анасы Јурка Гравич хорват олан З. Ибраһимович хорватлы католик мәзһәбинин давамчысы олан Исвечли модел Һелена Сеҝерлә мүнасибәтдәдир, ики өвлады вар. Буна ҝөрә дә, онун һаггында һәмишә бу суал верилиб: “Ҝөрәсән Ибраһимович кимин дининдәдир? Анасынын јохса атасынын”.
З. Ибраһимович даим бу ишин шәхси мәсәлә олдуғуну билдириб вә суала ҹаваб вермәкдән чәкиниб.
Ашағыда дәрҹ олунан шәкилләрдә ајдын ҝөрсәнир ки, Исвеч Милли Командасынын ојунчусу З. Ибраһимович гардашынын дәфн мәрасиминдә иштирак едир вә чох гәмлидир... О, гардашыны ҝөз јашлары төкә төкә торпаға тапшырыр...
УЕФА Авропа Кубокунда Челси командасы илә ојнајаркән ајаг әзәләләриндән зәрбә алараг истираһәт едән, һазырда Франсанын Пари Сен Жерман командасынын һүҹумчусу З. Ибраһимович,гардашынын дәфн мәрасиминдән сонра Парисә јолланыб.
АБНА- Хәбәр Аҝентлији
Диггәт: Хәбәрдән истифадә етдикдә мәнбәјә истинад лазымдыр
