Әһли Бејт -АБНА- хәбәр аҝентлији- Бу ҝүн мүбарәк Шәбан ајынын он бешинҹи ҝүнүдүр. Бөјүк Ислам Пејғәнбәри Муһәммәд Ибн Әбдуллаһын (сәлләллаһу әлејһи вә алиһ) нәслиндән олан мәсум өвлады, Бәшәријјәтин Хиласкары он икинҹи Имам, Мәһәммәд ибн Һәсән Әскәринин (Аллаһын Сәлам вә Рәһмәти онун вә пак аиләсинин үзәринә олсун) анадан олан ҝеҹәсидир.
Хиласкарын анадан олан ҝүнү, бәшәријјәтин ән севинҹли ҝүнләриндән бири сајылыр... Биз АБНА олараг дүнја халгларынын бу севинҹинә гошулур вә мисилсиз бајрам мүнасибәти илә башда Имам Заман (Аллаһ Тәала онун шәрәфли ҝәлишини тезләшдирсин) һәзрәтләринин өзүнү вә онун һагг наиби Имам Хаменеји ҹәнаблары олмагла бүтүн бәшәријјәти сәмими гәлбдән тәбрик едирик.
Имам Заман (әлејһис сәлам) барәдә гыса мәлумат.
Мәһди ибн Һәсән Әскәри (әлејһимәс сәлам) һиҹрәтин 255-ҹи или шабан ајынын 15-дә Самирра шәһәриндә анадан олмушдур.
Онун ады Ислам Пејғәмбәринин адындан, јәни, М.У.Һ.Ә.М.М.Ә.Д, күнјәси дә Пејғәмбәрин күнјәсиндәндир, јә᾽ни, Әбүлгасимдир. Ән мәшһур ләгәби Мәһдидир. Атасы он биринҹи Имам Һәсән Әскәри , анасы исә чох һөрмәтли Нәрҹис (Нәрҝиз) ханым олмушдур. Анасы, Рејһанә, Сүсән вә Сәгил адлары илә дә танынмышдыр. Нәрҹис ханымын фәзиләт вә мәнәвијјаты о дәрәҹәдә чох олмушдур ки,аиләсинин фәзиләтли гадынларындан бири олан Әлијјән-Нәгинин баҹысы Һәкимә ханым ону (Нәрҹиси) өз нәслинин ән фәзиләтли ханымы, өзүнү исә онун хадимәси адландырмышдыр.
Ислам пејғәмбәри һәзрәт Мүһәммәд сәлләллаһу әлејһи вә Алиһи вә сәлләмин он икинҹи ҹанишини мүәјјән сәбәбләр үзүндән гејбә чәкилмиш вә Аллаһын иҹазәси илә зүһур едиб дүнјада олан зүлмкарлығы арадан апараҹаг, һәмчинин дүнјада әдаләти бәргәрар едәҹәкдир.
Һал-һазырда (јәни 2013-ҹи илдә) һәзрәт Мәһди әлејһиссаламын 1179 јашы вардыр вә Аллаһ Тәаланын истәдији вахт зүһур едәҹәкдир.
Лакин бәзи шәхсләр о һәзрәтин (ә) индијә гәдәр сағ гала билмәси барәсиндә шүбһә едирләр. Аллаһ Тәала Гурани кәримдә бујурур:
(Онлар) дүнјанын заһириндән башга бир шеј билмир вә онлар ахирәт (әбәди) һәјатдан гафилдирләр.[Рум сурәси, ајә 7]
Һәзрәт Мәһди (әлејһис-саламын) индијәдәк сағ галмасыны инкар едәнләр дә јалныз дүнјанын заһириндән хәбәрдар оланлардыр. Онлар Аллаһын гүдрәтини унудараг инсанларын јалныз 60-70 ил јашадығыны ҝүман едир вә о һәзрәтин бу гәдәр узун мүддәтли һәјатыны дәрк едә билмирләр.
Гурани-кәримә нәзәр салдыгда, Имам Заман әлејһис саламын бу гәдәр өмүр сүрмәсини Аллаһын гүдрәтиндә ади бир иш олдуғуну ҝөрүрүк. Белә ки, Аллаһ Тәала Нуһ пејғәмбәри 950 ил өз гөвму арасында јашатмыш, Әсһаби-кәһфи 300 илдән артыг мағарада јуху һалында сахламыш, Иса әлејһиссаламы нечә әср бундан габаг ҝөјләрә апармыш вә һәлә дә јерә гајтармамышдыр.
Аллаһ-таала каинаты, ҝүнәш системини, планетләри, мүхтәлиф галагтикалары вә саир варлыг аләмләрини Өз түкәнмәз гүдрәти илә јаратмышдыр.
Имам Заман әлејһис саламын да бу гәдәр өмүр сүрмәси һеч дә Аллаһ үчүн чәтин бир мәсәлә дејилдир.
Имам Заман Ағанын гејбә чәкилмәси:
Он икинҹи имам һәзрәт Мәһди әлејһис салам беш јашында икән гејб олмушдур. О, һәзрәтин ики нөв гејби олуб.
1-Гыса мүддәтли гејб, (Гејбәти-сүғра);
2-Узун мүддәтли гејб, (Гејбәти-кубра);
О һәзрәтин гыса мүддәтли гејби, гәмәри тарихи илә 260-329-ҹу илләрдә баш вермиш вә бу гејб 69 ил давам етмишдир. Бу мүддәт әрзиндә о һәзрәтлә (ә) халг арасында олан рабитә ашағыдакы дөрд нәфәр васитәси илә олмушдур:
1-Осман ибни Сәид Әмри, (5ил);
2-Мүһәммәд ибни Осман ибни Сәид Әмри, (40 ил);
3-Әбул-Гасим Һүсејн ибни Руһ Нубәхти (21 ил);
4-Әбул-Һәсән Әлијјибни Мүһәммәд Сәмәри, (3 ил);
Һәзрәт Мәһди әлејһиссаламын узун мүддәтли гејби исә Әлијјибни Мүһәммәд Сәмәринин вәфатындан сонра башламыш вә бу ҝүнәдәк давам етмәкдәдир. [Тарихи әсре гејбәт, сәһ.164-166]
Шиә вә сүннү алимләринин әгидәсинә ҝөрә дүнјанын ахырларында Һәзрәт Мәһди әлејһис салам зүһур едиб, әдаләт вә Исламы бүтүн дүнјада һаким едәҹәкдир.
Нәгл олунмуш рәвајәтләрә әсасән, о Һәзрәт зүһур етдикдән сонра ҝөјләрә апарылмыш Иса пејғәмбәр дә јерә енәҹәк вә имам Мәһди әлејһис саламын ән јахын көмәкчиләриндән бири олаҹагдыр.
Хиласкарын ҝәлишинә тәкҹә Ислам дејил сајир динләр дә тәкид едир:
Дүнјада әдаләти бәрпа едән имам Заман әлејһис салама тәкҹә мүсәлманлар дејил, һәм дә гејри-мүсәлманлар инанырлар.
Мәсәлән; милади тарихи илә 1000-ҹи илләр әрәфәсиндә дүнјада бөјүк бир дәјишиклијин интизарыны чәкиб, руһи һәјәҹанлара дүшмүш јәһуди вә мәсиһиләр 2000-ҹи илин әрәфәсиндә бир даһа һәјәҹанланмыш вә бу илдән сонра нә исә бөјүк бир һадисәнин баш верәҹәјини ҝөзләјирләр.
Һәзрәт Мәһди әлејһиссаламын зүһуру Гурани-кәримдә вә Әһли-бејтин рәвајәтләриндә дә ҝәлмишдир.
Гурани-кәримдә охујуруг:
Аллаһ тәала сизләрдән иман ҝәтириб салеһ әмәлләр верәнләри онлардан габагкылар (пејғәмбәрләр) кими јер үзәриндә һакимијјәтә чатдырмағы вәдә вермишдир. [Нур сурәси, ајә 55 Бу һагда Әл-мизан, Мәҹмәул-бәјан, Нурус-сәгәлејн, Әл- бурһан вә с... тәфсирләрә баха биләрсиниз]
Бир чох тәфсирләрдә бу ајәнин Мәһди һаггында назил олмасы гејд олунур вә бу һагда чохлу рәвајәтләр нәгл олунмушдур.
Әјјаши өз тәфсириндә бу ајәнин изаһында һәзрәт Пејғәмбәрин бу һәдисини нәгл' етмишдир:
"Дүнјанын ахырына бирҹә ҝүн галса белә Аллаһ тәала о ҝүнү о гәдәр узадаҹаг ки, ады мәним адым вә өзү Әһли-бејтимдән олан бир нәфәр ҝәләрәк јер үзүнү зүлм вә һагсызлыгла долдуғу кими, әдаләт вә инсафла долдураҹагдыр."
Гејд етмәк лазымдыр ки, бу һәдис, әһли сүннәтин Сәһиһи-Термези, Муснәд, ибни Әһмәд, Јәнабиул- мәвәддәт китаблары вә бир чох һәдис вә тәфсирләриндә дә нәгл олунмушдур.
"Онлар сәндән әзабын тез ҝәлмәсини истәјирләр. Аллаһ Өз вәдинә әсла хилаф чыхмаз. Рәббинин јанында олан бир ҝүн сизин сајдығынызын мин или кимидир!" (Һәҹҹ, 47)
Онлар гәбул едирләр ки, бу "әзаб вәди" Һз Меһдинин зүһурудур. Чүнки һәдисләрә ҝөрә О зүһур едәндә әксәријјәт Ону инкар едәҹәк. Белә бир инкар исә бәндә үчүн әб бөјүк әзабдыр, һәм бу дүнјада, һәм дә ахирәтдә. Чүнки һәр дөврдә Аллаһын тәмсилчиси јер үзүндә ҝәлир, ону гәбул етмәјәнләр әзаба дүчар олурлар.
"Биз елчи ҝөндәрмәмиш (һеч кәсә) әзаб вермирдик." (Исра, 15)
Диҝәр тәрәфдән онлар дејирләр ки, бу вәд јалныз Гуранда дејил Инҹилдә дә вардыр:
"Өз ики шаһидими ҝөндәрәҹәјәм ки, чула бүрүнәрәк һәмин 1260 ҝүн әрзиндә пејғәмбәрлик етсинләр." (Инҹил, Вәһј, 11:3)
Библија мәтнинә ҝөрә, һәр ҝүн 1 ил кими һесабланыр (Језекиел,4:6, Сајлар, 14:34). Бурдан чыхыш едәрәк, бу 1260 ҝүн 1260 илә бәрабәр сајылыр.
Һәзрәт Пејғәмбәр (сәлләллаһу әлејһи вә алиһ) Имам Заманын (Аллаһ зүһуруну ҝерчәкләшдирсин) интизарын чәкмәк һаггда бујурур:
Үммәтимин ән фәзиләтли вә ән үстүн ҹиһады, (Һәзрәт Мәһди әлејһиссаламын зүһурунун) интизарыны чәкмәкдир. [Туһәфул-угул, сәһ-37, һәдис: 25]
Һәзрәт Мәһди әлејһиссаламын зүһурурнун интизарында олмаг, һазыркы мөвҹуд шәраит вә вәзијјәтә гане олмамаг вә о һәзрәтлә бирликдә дин јолунда фәдакарлыг үчүн өзүмүзү һазырламагдан вә зүлмә гаршы мүбаризә апармагдан ибарәтдир.
ШӘБАН АЈЫНЫН ОН БЕШИНҸИ ҜҮНҮ
1. Имамы (Аллаһ онун мүггәддәс зүһуруну тезләшдирсин) истәнилән мәкан вә заманда зијарәт етмәк.
2. Зүһуру үчүн дуа етмәк мүстәһәбдир.
3. Имамы (Аллаһ онун мүггәддәс зүһуруну тезләшдирсин) Ирагын Самирра шәһәриндә сәрдабда зијарәт етмәк, тәкид олунмуш мүстәһәб әмәлләрдәндир.
Диггәт: Хәбәрдән истифадә етдикдә мәнбәјә истинад лазымдыр
