Әһли Бејт -АБНА- хәбәр аҝентлијинин вердији хәбәрә әсасән: Мајын 24-дә Нәсими Рајон Мәһкәмәсиндә халг һәрәкаты фәалы Немәт Пәнаһлынын вә онун досту Ҹејһун Фәрзуллајевин мүһакимәси давам едиб. Јанварын 8-дә тутулан Немәт Пәнаһлы вә Ҹејһун Фәрзуллајев Ҹинајәт Мәҹәлләсинин 221.3 маддәси илә (Слаһдан вә ја силаһ гисминдә истифадә едилән әшјалары тәтбиг етмәклә хулиганлыг) шәрләнирләр. Шәрләнмә әсасында вәтәндаш Елдәниз Рзајевин шикајәти дајаныр. Шикајәтә ҝөрә, Немәт Пәнаһлы вә Ҹејһун Фәрзуллајев јанварын 7-дә Бакынын Мирәли Гашгај күчәсиндә Елдәниз Рзајеви дөјүб, она јумруг вә метал әшја илә зәрбә ендирибләр.
Вәкил Самир Исајев ачыгламасында дејиб ки, бу ҝүн просесдә мүдафиә тәрәфинин шаһидләри диндирилиб: “Бу шаһидләр ибтидаи истинтаг заманы диндирилмишди. Лакин истинтаг онлары шаһид кими мәһкәмәјә тәгдим етмәмишди. Өтән просесдә һәмин шаһидләрин мәһкәмәјә чағырылыб диндирилмәси һагда вәсатәт вердик вә һаким вәсатәти тәмин етди. Беш нәфәр шаһиддир. Онлар арасында полис әмәкдашлары да вар. Һәмин шаһидләр бу ҝүн ифадә вердиләр. Шаһидләрин һамысы Немәт Пәнаһлынын вә Ҹејһун Фәрзуллајевин хејринә ифадә вердиләр. Дедиләр ки, күчәдә дава олмајыб, садәҹә, ики нәфәр сөһбәт едирди”.
Вәкил билдириб ки, просесдә иш үзрә експертиза апаран мәһкәмә тибби експерти дә ифадә вериб. Мүдафиә тәрәфи зәрәрчәкән Елдәниз Рзајевин мүалиҹәсинә даир сәнәдләрин ҝөтүрүлмәси һагда да вәсатәт вериб. Лакин һаким вәсатәти тәмин етмәјиб: “Дөвләт иттиһамчысы мәһкәмә истинтагынын јекунлашдырылмасы һагда вәсатәт верди. Лакин һаким вәсатәти тәмин етмәди. Һаким һесаб едир ки, сүбутлар там арашдырылмајыб, бүтүн шаһидләр диндирилмәјиб. Она ҝөрә дә просес давам етдирилмәлидир”.
Самир Исајев дејиб ки, нөвбәти иҹласын мајын 27-дә кечириләҹәк вә просесдә Немәт Пәнаһлы вә Ҹејһун Фәрзуллајев ифадә верәҹәк, мүдафиә тәрәфинин даһа бир шаһиди диндириләҹәк.
Диггәт: Хәбәрдән истифадә етдикдә мәнбәјә истинад лазымдыр
