Әһли Бејт -АБНА- хәбәр аҝентлијинин вердији хәбәрә әсасән: Милләт вәкили Сәмәд Сејидов Ермәнистанын АШПА чәрчивәсиндәки Дағлыг Гарабаға даир Алт Комитәнин иҹласына әнҝәл олмасына мүнасибәт ачыглајаркән билдирмишдир: “Ирәванын Дағлыг Гарабағ үзрә Алт Комитәнин ишинә мане олмасы Ермәнистанын имиҹинә мәнфи тәсир едәҹәк... Ермәнистанын белә бир давранышы данышыглар просесинә дә тәсир едәҹәк”.
Онун сөзләринә ҝөрә, АШПА-да Гарабағ үзрә Алт Комитәнин јарадылмасы јекдил бир гәрарла гәбул олунуб: “Амма инди Ирәван гурумун фәалијјәтинә мане олур вә проблемин мүзакирәсиндән чәкинир. Бу, гејри-конструктив бир давранышдыр вә Ермәнистанын имиҹинә тәсир ҝөстәрәҹәк”.
Ујдурма “ермәни сојгырымы”нын илдөнүмү тарихинин јахынлашмасы илә әлагәдар милләт вәкили дүнја бирлијинин ермәни тәблигатынын тәсири алтына дүшмәјәҹәјинә үмид етдијини дејиб. АБШ президенти Барак Обаманын ҝөзләнилән әнәнәви “сојгырымы” бәјанатына мүнасибәт ачыглајан Сәмәд Сејидов гејд едиб ки, өзүнә һөрмәт едән һәр һансы дөвләтин Ермәнистанын хејиринә олан јалан бәјанат верәҹәјинә инанмыр.
Диггәт: Хәбәрдән истифадә етдикдә мәнбәјә истинад лазымдыр
