Әһли Бејт -АБНА- хәбәр аҝентлијинин вердији хәбәрә әсасән: Мүраҹиәти аксијанын тәшкилатчылары олан Мүсават, Халг Ҹәбһәси, Милли Истиглал вә Классик Халг Ҹәбһәси партијалары имзалајыб: “Аксијаны Иҹтимаи Палата кечирир. Митинглә бағлы сон гәрар Иҹтимаи Палатанын апрелин 9-да кечириләҹәк сессијасында вериләҹәк. Бундан сонра Бакы Шәһәр Иҹра Һакимијјәтинә мүраҹиәт олунаҹаг”.
Ҝүлаға Асланлынын сөзләринә ҝөрә, Иҹтимаи Палата апрелин 16-да митинг кечирмәк үчүн “Нәриманов” кинотеатрынын гаршысыны, Академик Мили Драм Театрынын гаршысындакы Фүзули мејданыны вә “Тәбриз” кинотеатрынын гаршысындакы мејданы истәјәҹәк: “Бу мејданлара иҹазә верилмәсә, аксија шәһәрин мәркәзиндә олаҹаг. Амма митинг мүтләг кечириләҹәк”.
Быр нечә сијаси партијанын, ГҺТ-ләрин, зијалыларын вә депутатлыға кечмиш намизәдләрин тәмсил олундуғу Иҹтимаи Палата апрелин 2-дә Фәвварәләр мејданында аксија кечириб.
Диггәт: Хәбәрдән истифадә етдикдә мәнбәјә истинад лазымдыр.
