Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Аналитик нәшр Foreign Policy јазыр: Вашингтонда бәзи сијаси даирәләр игтисади тәзјигләрин артырылмасы вә һәрби тәһдидләрин Ираны гејд-шәртсиз тәслим олмаға мәҹбур едә биләҹәјинә инансалар да, бир сыра аналитикләр бу јанашманын Иранын Али Рәһбәринин идеоложи вә кимлик әсасларынын натамам анлашылмасына сөјкәндијини билдирирләр. Бу әсаслар “мүгавимәти” тактика дејил, системин кимлијинин бир һиссәси кими тәгдим едир.
Мәгаләнин бир һиссәсиндә гејд олунур: Сон илләрдә АБШ сијасәт мәканында белә бир фәрзијјә тәкрар олунуб: санксијаларын сәртләшдирилмәси, бејнәлхалг тәҹрид вә һәрби рискләрин артырылмасы нәтиҹәдә Иран Ислам Республикасынын Рәһбәрини ҝери чәкилмәјә мәҹбур едәҹәк. Лакин бәзи Гәрб медиаларында дәрҹ олунан тәһлилләр ҝөстәрир ки, бу бахыш Иран рәһбәрлијинин дүшүнҹә структуру вә тарихи тәҹрүбәсинин кифајәт гәдәр анлашылмамасы илә бағлы ола биләр.
Бу тәһлилләрә ҝөрә, Әли Хаменеи 1979-ҹу ил Ислам Ингилабыны тамамланмыш һадисә кими дејил, јени формаларда давам едән бир просес кими дәјәрләндирир.
Бу чәрчивәдә “мүгавимәт” јалныз хариҹи сијасәт аләти дејил, һәм дә сијаси систем үчүн кимлик вә леҝитимлик елементи һесаб олунур. Пәһләви режиминә гаршы мүбаризә тәҹрүбәси, һәбс илләри вә даһа сонра мүһарибә дөврүндә өлкәнин идарә олунмасы бу кимлијин формалашмасынын тәркиб һиссәси кими гијмәтләндирилир.
Sizin rəyiniz