Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: ИРНА-нын Ҹеневрәјә езам олунмуш мүхбири хәбәр верир ки, нүвә данышыгларынын үчүнҹү раунду әввәлкиләрлә мүгајисәдә даһа чох АБШ рәсмиләринин данышыгларын мөвзулары илә бағлы зиддијјәтли ачыгламаларынын фонунда кечирилир.
Иран тәрәфи данышыглара һәр заман ајдын вә ваһид мөвге илә гатылдығы вә данышыгларын мөвзулары вә әсаслары үзрә һакимијјәтин мүхтәлиф сәвијјәләриндә һәртәрәфли координасијанын мүшаһидә олундуғу һалда, АБШ тәрәфиндә мүхтәлиф рәсмиләр арасында зиддијјәтли, бәзән исә бир-биринә әкс мөвгеләр диггәт чәкир.
Бу вәзијјәт АБШ һакимијјәти дахилиндә мәгсәдли шәкилдә вәзифә бөлҝүсү кими гијмәтләндирилә биләҹәји кими, ејни заманда дахили чашгынлыг, марагларын тоггушмасы вә мүхтәлиф сијаси ганадлар вә ҝүҹ лоббиләринин тәзјигләринин ҝөстәриҹиси дә ола биләр.
Бу контекстдә мүһарибә тәрәфдары сионист лоббисинин, еләҹә дә бејнәлхалг мүнасибәтләрә сәрт јанашмалары илә сечилән сенатор Линдсеј Граһамын ролуну нәзәрдән гачырмаг олмаз. АБШ президенти әтрафындакы даирәләр арасында дахили рәгабәт вә она јахынлашмаг үчүн апарылан сијаси маневрләр дә диггәтә алыныр.
Бәзи мүшаһидәчиләр һесаб едир ки, АБШ дөвләт катиби Марҹо Рубио сенатор Граһам вә Исраилин баш назири Бенјамин Нетанјаһу илә бирликдә данышыгларда һәр һансы ирәлиләјишин гаршысыны алмаға чалышыр.
Гејд едәк ки, Иран–АБШ нүвә данышыглары Ҹеневрәдә Оман Султанлығына мәхсус дипломатик мәканда башлајыб вә һазырда давам едир.
Иран нүмајәндә һејәти данышыглар мәканына дахил олдугдан дәрһал сонра Оман рәсмиләри вә Бејнәлхалг Атом Енержиси Аҝентлијинин баш директору илә данышыглар апарыб.
Sizin rəyiniz