Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Ислам Ингилабы Кешикчиләри Корпусунун (СЕПАҺ-ын) ЕТТЕЛААТ -Кәшфијјат Тәшкилаты өзүнүн 3 нөмрәли бәјанатында вурғулајыб: “Деј (јанвар) ајындакы террор һадисәләри Иранын һәм кимлик, һәм дә ҹоғрафи бүтөвлүјүнә зәрбә вурмаг үчүн һазырланмыш бөјүк Америка-сионист лајиһәсинин бир һиссәси иди. Бу план тәһлүкәсизлик гүввәләринин ајыг-сајыглығы вә халгын һәмкарлығы илә ифласа уғрады.”
Мәлумата ҝөрә, верилән бәјанатда һәмчинин 10 дүшмән кәшфијјат хидмәтинин Иран Ислам Республикасына гаршы һазырладыглары фитнәнин мәғлуб едилдији билдирилиб.
Бәјанатда гејд олунур: “Дүшмәнин команданлыг гәрарҝаһы 10 дүшмән кәшфијјат хидмәтинин иштиракы илә, 12 ҝүнлүк мүһарибәдән дәрһал сонра формалашмышды. Бу лајиһәнин мәгсәди Иранын мөвҹудлуғуна гаршы тәһлүкә јаратмаг үчүн дахили иғтишашлар, террор груплашмаларынын тәһрик едилмәси вә хариҹи мүдахиләни тәшкил етмәк иди.”
СЕПАҺ-ын Кәшфијјат Тәшкилаты һәмчинин бу фитнә илә мүбаризә чәрчивәсиндә, Тәһлүкәсизлик әлејһинә шәбәкәләрлә әлагәли олан 735 нәфәрин сахланылмасы вә 11 мин нәфәрин сөһбәтә дәвәт едиләрәк маарифләндирилмәси, 743 әдәд ганунсуз силаһын әлә кечирилмәси вә хариҹи кәшфијјат органлары илә әлагәли 46 аҝентин мүәјјән едилмәси, просесини һәјата кечирдијини билдириб.
Sizin rəyiniz