Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Реҝионал просесләрдә реҝиондан кәнар гүввәләрин әлләринин вахтында мүәјјән едилмәси вә бејнәлхалг низамда гәбул едилмиш бәзи принсипләрә садиг галмаг, сон ҝәрҝинликләрдә Түркијәни Иранын јанында јер алмаға сөвг етди. Бу, Анкаранын бөјүк реҝионал өлкәләри парчаламаг үчүн Тәл-Әвив тәрәфиндән һазырланан јолу ајдын вә шәффаф ҝөрдүјүнү вә бу тәһлүкәни ҹиловламаға чалышдығыны ҝөстәрир.
Түркијәнин Иранын дахили һадисәләринә мүнасибәти вә бу өлкәнин Ислам Республикасына дәстәк мөвгеји бир нечә сәбәбдән гајнагланыр ки, бунлардан ән мүһүмләри кими стратежи, ҝеосијаси мәсәләләри вә ортаг дүшмәнин мөвҹудлуғуну гејд етмәк олар.
Анкаранын нараһатлыглары даһа чох практики вә стратежи характер дашыјыр. Түркијә Иранын гејри-сабитлик мәнбәјинә чеврилмәсини истәмир, чүнки бу, бирбаша Түркијәнин тәһлүкәсизлијини, игтисадијјатыны вә сәрһәдләрини тәһдид едир. Түркијәнин Иранла мүрәккәб мүнасибәтләри олса да, һазыркы приоритети мөвҹуд вәзијјәти горумаг вә реҝионал партлајыша сәбәб ола биләҹәк һәр һансы тәһлүкәсизлик ҝәрҝинлијинин гаршысыны алмагдыр.
Түркијә һөкумәтинин Иранын дахили һадисәләри илә бағлы бәјанат вә мөвгеләринин мәҹмусу ҝөстәрир ки, Анкара Иранын јанында јер алмагла јанашы, һадисәләрин ахыныны јенидән дипломатик мәҹраја гајтармагда рол ојнаја биләҹәјинә үмид едир. Мәһз буна ҝөрә дә Һакан Фидан Түркијәнин Иранла бағлы дипломатик планларыны давам етдирәҹәјини вә приоритетин гејри-сабитликдән узаг дурмаг олдуғуну билдириб. О, һәмчинин Давос саммити чәрчивәсиндә өлкәсинин АБШ-нин Ирана гаршы һәр һансы һәрби маҹәрасына гаршы олдуғуну бәјан едәрәк, Теһран вә Вашингтон арасында ҹидди данышыглара имкан јарадаҹаг бир механизмин гурулмасыны истәјиб. Түркијә дә реҝионун диҝәр өлкәләри кими, Иранда аловланаҹаг бир атәши өз зәрәринә һесаб едир вә бу сәбәбдән ону сөндүрмәјә чалышыр.
Реаллыг будур ки, Түркијә Республикасы гоншулары олан Ираг вә Суријада вәтәндаш мүһарибәси башлајандан бәри бу ики өлкә халгынын Түркијәјә ән ҝениш миграсијасынын шаһиди олуб. Һазырда Анкара Сурија вә Ираг халгынын бу миграсијасы вә сығынмасы нәтиҹәсиндә јаранан ҝениш спектрли чәтинликләрлә үз-үзәдир.
Sizin rəyiniz