Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: СЕПАҺ-ын Кәшфијјат Тәшкилаты јанвар ајында баш верән террор һадисәләрини Иранын милли кимлијини вә әрази бүтөвлүјүнү парчаламаға јөнәлмиш ҝенишмигјаслы АБШ-сионист лајиһәсинин бир һиссәси кими гијмәтләндириб вә бу план "Имам Заманын (ә.ф) адсыз әсҝәрләри"нин сәјләри вә Иран халгынын дәстәји илә пуча чыхарылыб.
Бәјанатда вурғуланыр: Бу террор һадисәләри 12 ҝүнлүк мүһарибәнин давамы олараг планлашдырылмышды вә һеҝемон системин стратежи мәғлубијјәтләринин тәсири алтында тәләсик шәкилдә һәјата кечирилди. Лакин тәһлүкәсизлик вә һүгуг-мүһафизә органларынын һазырлығы, һабелә халгын ајыг-сајыглығы нәтиҹәсиндә бу ҝенишмигјаслы АБШ-сионист планы уғурсузлугла нәтиҹәләнди.
Мәлумата ҝөрә, 12 ҝүнлүк мүһарибәдән дәрһал сонра Иранда террор актлары төрәтмәк мәгсәдилә 10 кәшфијјат хидмәтиндән ибарәт "дүшмәнин команданлыг гәрарҝаһы" јарадылыб.
Сөзүҝедән гәрарҝаһдан әлдә едилмиш сәнәдләр вә кәшфијјат мәлуматлары ҝөстәрир ки, "дахили иғтишашлар, һәрби мүдахилә вә силаһлы груплашмаларын һәрәкәтлилији" бөјүк Иранын суверенлијинә тәһдид јаратмаг мәгсәдилә һазырланан әмәлијјатын үч әсас сүтунуну тәшкил едиб.
Sizin rəyiniz