Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Иран Хариҹи Ишләр Назирлији Авропа Парламентинин гәбул етдији мүдахилә характерли вә мәсулијјәтсиз гәтнамәсини писләјән бәјанат јајыб. Бәјанатда билдирилир: Иран Ислам Республикасынын Силаһлы Гүввәләринә вә асајиш кешикчиләринә гаршы јөнәлмиш һәр һансы гејри-гануни гәрар вә ја мүдахиләчи мөвге Иранын адекват ҹаваб тәдбирләри илә гаршыланаҹаг.
Авропа Парламентинин бир чох үзвү мүхтәлиф јолларла, о ҹүмләдән ганунсуз санксијаларын тәтбигини дәстәкләмәклә, АБШ-нин Ирана гаршы гејри-гануни санксијаларына табе олмагла вә сионист режимин Ирана гаршы һәрби тәҹавүз ҹинајәтләриндә иштирак етмәклә иранлыларын инсан һүгугларыны кобуд шәкилдә поздугларына ҝөрә инсан һаглары мөвзусунда нәсиһәт вермәк үчүн һеч бир мәнәви ләјагәтләри јохдур.
Авропа Парламентинин вә онун лидерләринин ишғал олунмуш Фәләстиндәки сојгырыма гаршы нүмајиш етдирдији тәсдигедиҹи сүкут илә Иран күчәләриндә төрәдилән ҹинајәтләрә (террор актларына) ҝөз јуммасы ејни сиккәнин ики үзүдүр" – дејә бәјанатда вурғуланыр.
Иран Хариҹи Ишләр Назирлији Авропа Парламентинин гәтнамәсиндә өлкәнин рәсми шәхсләри вә гануни гурумлары барәсиндә јер алан тәһгирамиз ифадәләрә ҝөрә нифрәтини билдирәрәк бәјан едиб ки, Иранын Силаһлы Гүввәләри вә асајиш кешикчиләри илә бағлы һәр һансы гејри-гануни гәрара гаршы Теһранын ҹавабы гәти олаҹаг вә бунун нәтиҹәләринә ҝөрә мәсулијјәт һәмин аддымы атанларын үзәринә дүшәҹәк.
Sizin rəyiniz