Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: БМТ сөзчүсүнүн мүавини билдириб ки, кечән ај Суријада зоракылыгларын башландығы замандан бәри 190 мин нәфәрдән чох инсан дидәрҝин дүшүб.
БМТ сөзчүсүнүн мүавини Фәрһан Һәгг јерли вахтла базар ертәси ҝүнү журналистләр гаршысында белә дејиб: Сурија барәдә һуманитар мәсәләләр үзрә координасија офиси билдирибдир ки, һәфтә сону Сувејда әјаләтиндә баш верән тоггушмалар БМТ јардымларынын тәгдим олунмасы вә она әлчатанлыға хәләл ҝәтириб.
Фәрһан Һәгг әлавә едиб: Өтән ај Суријада зоракылыгларын башландығы замандан бәри 190 мин нәфәрдән чох инсан Дәмәшгин әтрафы, һәмчинин Дәра вә Сувејда әјаләтләриндә дидәрҝин дүшүб. Мәлуматлара әсасән, әһалинин чох аз мигдары, јәни тәгрибән 120 нәфәр өз ҹәмијјәтинә, башлыҹа олараг, Сувејдадакы Сәлхәд бөлҝәсинә ҝери дөнүб.
О, әлавә едиб: БМТ-нин һуманитар мәсәләләр үзрә координасија офиси хәбәр верибдир ки, Сувејда әјаләтиндәки тоггушмалар дүнән/ һәссас инсанларын чыхышлары вә һуманитар јардымларын тәгдиматы үчүн истифадә олунан Сувејдаја јеҝанә һуманитар јолун һәләлик олараг бағланмасы илә нәтиҹәләниб.
Онун сөзләринә ҝөрә, БМТ-нин һуманитар мәсәләләр үзрә координасија офиси һәмчинин билдирибдир ки, мүһарибәнин тәсири, о сырадан дидәрҝинлик бундан өнҹә дә Сувејда вә Дәрада тәзјиг алтында олан сәһијјә системинә бөјүк тәзјиг ҝөстәрибдир.
Суријанын ҹәнубундакы ҝәрҝинликләр ҹари ил ијулун он үчүндә Сувејда әјаләтиндә силаһлы друзлар илә јараглы көчәри тајфалары арасында баш верән тоггушмадан сонра шиддәтләнибдир.
Sizin rəyiniz