Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Ишғалдан азад едилмиш әразиләрдә ермәниләрә аид бир-чох абидә өтән ики илдә дағыдылыб. Бу ҝүнләрдә исә ермәни әсилли русијалы рәссам Иван Ајвазовскинин бүстүнүн сөкүлмәси Русијанын етиразы илә гаршылашыб.
Русија Федерасијасы Президентинин Бејнәлхалг Мәдәни Әмәкдашлыг үзрә Хүсуси Нүмајәндәси Михаил Шведкој Ханкәндидә Аивазовскинин абидәсинин дағыдылмасыны Русијаја гаршы гејри-дост вә һиддәт доғуран һәрәкәт адландырыб.
Русија тәрәфи Бакыдан бу тарихи абидәни дағытмасынын сәбәби илә бағлы рәсми изаһат тәләб едир. Лакин Азәрбајҹан тәрәфи Русија сүлһмәрамлылары тәрәфиндән “Дәниз рәссамы” бүстүнүн гојулмасынын Бакынын разылығы олмадан һәјата кечирилдијини вә ганунсуз олдуғуну бәјан едир.
Бунунла әлагәдар Азәрбајҹан Хариҹи Ишләр Назирлијинин мәтбуат катиби Ајхан Һаҹызадә дејиб ки, ермәни әсилли рәссам Иван Ајвазовскинин бүстүнүн Азәрбајҹан тәрәфинин иҹазәси олмадан торпагларымызда гурашдырылмасы ганунсуз иди.
Хатырладаг ки, Ајвазовскинин Ханкәндидәки абидәси 2021-ҹи илдә Русија сүлһмәрамлыларынын иштиракы илә уҹалдылыб вә һејкәлтәрашы рус милләтиндән олуб.
Бу арада Бакы Русијанын дөвләт ТАСС хәбәр аҝентлијиндән Степанакерт ермәни тәхәллүсүндән истифадә етдијинә ҝөрә үзр истәмәсини тәләб едиб, әкс һалда ганунвериҹилијә ујғун олараг ТАСС-ын Бакыдакы фәалијјәтинә гаршы тәдбирләр ҝөрәҹәји илә һәдәләјиб.
Русија мәтбуаты бунун ардынҹа Степанакерт сөзүнү нәшриндән чыхарса да, бу мәсәләнин өзү Русија-Азәрбајҹан мүнасибәтләриндә сојуглуғун давам етдијинә дәлаләт едир.
Sizin rəyiniz