Әһли Бејт (әлејһимус сәлам) Бејнәлхалг Хәбәр Аҝентлији –АБНА: Гәзза золағында һуманитар бөһранын артмагда давам етдији бир вахтда јерли вә бејнәлхалг тәшкилатлар аҹлыг вә ағыр гида чатышмазлығы сәбәбиндән ушаг вә көрпәләрин тәдриҹән өлмәси барәдә хәбәрдарлыг едибләр.
Гәззадакы ГҺТ шәбәкәсинин рәһбәри Әл-Ҹәзирә телеканалына мүсаһибәсиндә дејиб: Пис гидаланмадан әзијјәт чәкән ушаглар үчүн кечән һәр ан онларын өлүм рискини артырыр. Һәјати әһәмијјәтли јардымларын дахил олмасына иҹазә вермәк үчүн ишғалчы режимә бејнәлхалг иҹтимаијјәт тәрәфиндән дәрһал реал вә тәсирли тәзјиг ҝөстәрилмәлидир.
Бу арада Бејнәлхалг Хиласетмә Комитәси бәјанат јајыб: "Гәззада аҹлыгдан өлән ушаг вә көрпәләрлә бағлы хәбәрләрдән дәрин тәшвиш ичиндәјик. Гәззада баш верәнләр, демәк олар ки, там блокада вә јардымларын өлкәјә ҝиришинә ҹидди мәһдудијјәтләр нәтиҹәсиндә јаранмыш сүни аҹлыг бөһраныдыр".
Хиласетмә Комитәси вурғулады: "Гәззада ики милјондан чох инсанын тәҹили олараг гида, су вә јанаҹаға еһтијаҹы вар вә бу еһтијаҹлар тәхирә салынмадан өдәнилмәлидир."
Диҝәр тәрәфдән, Фәләстин һөкумәтинин Гәззадакы медиа офиси аҹлыг вә гида чатышмазлығы, гида, су вә дәрманларын демәк олар ки, тамамилә түкәнмәси сәбәбиндән әксәријјәти ушаг вә көрпәләрдән ибарәт 115 нәфәрин өлдүјүнү билдириб.
Sizin rəyiniz