Әһли Бејт (әлејһимус сәлам) Бејнәлхалг Хәбәр Аҝентлији –АБНА: Иран Ислам Ингилабы Кешикчиләри Корпусунун (СЕПАҺ) Һава вә Космос Гүввәләри команданы ҝенерал-мајор Сејид Мәҹид Мусәви билдириб ки, бу ҝүн өлкә даим тәкрарланан “Ашура” кимидир вә буна ҝөрә дә халг һәр ҹүр вәзијјәтә һазыр олмалыдыр.
Ҝенерал Мусәви бир телевизија мүсаһибәсиндә дејиб: “Шәһидләр, хүсусилә дә шәһид ҝенерал Һаҹы Әмирәли Һаҹызадә вә шәһид Маһмуд Багири бу гурумда ҹәсарәт вә мүбаризә мәдәнијјәтини јадиҝар гојублар вә бу руһ бу ҝүн мүхтәлиф саһәләрдә өзүнү ҝөстәрир.”
О әлавә едиб: “Һәр биримиз өз ролумузу вә мәсулијјәтимизи гәбул етмәлијик ки, истәнилән анда ону јеринә јетирә биләк. Мәрһум доктор Шәриәтинин ҝөзәл бир сөзү вар: 'О кәсләр ки, Һүсејн (ә) кими шәһид ола биләрләр, Һүсејн кими давранмалыдырлар, о кәсләр ки, шәһид ола билмирләр, Зејнәб (с.ә) кими давранмалы вә һәгигәти јајмалыдырлар.'”
Ҝенерал Мусәви вурғулајыб ки, бу ҝүн өлкәдә вәзијјәт еләдир ки, санки Ашура һадисәси тәкрар олунур вә һәр заман тәкрарлана биләр. Она ҝөрә дә биз өзүмүзү һәр ҹүр мүмкүн ситуасијаја һазырламалыјыг.
Sizin rəyiniz