Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Русија президентинин көмәкчиси Владимир Мединскинин Гарабағы мүбаһисәли бөлҝә адландырымасы Азәрбајҹан Республикасында тәәҹҹүб вә тәәссүфлә гаршыланыб.
Владимир Мединскинин Гарабағы “мүбаһисәли әрази” кими тәсвир етмәси Азәрбајҹанда ХИН-дән тутмуш сијаси аналитикләрә гәдәр кәскин реаксијаја сәбәб олуб.
Ијунун 9-да “Руссиа Тодај” телеканалына мүсаһибәсиндә Украјна сүлһ данышыгларында Русија нүмајәндә һејәтинә рәһбәрлик едән Медински Украјнадакы мүһарибәни Гарабағ әтрафындакы вәзијјәтлә мүгајисә едәркән дејиб: “Русија-Украјна ҹәбһәсиндә мүнагишә садәҹә атәшкәслә баша чатарса вә реал сүлһ әлдә олунмазса, вәзијјәт Ермәнистан вә Азәрбајҹан арасында мүбаһисәли Гарабағ бөлҝәсинә бәнзәјәҹәк”.
Мединскинин бу сөзләри Азәрбајҹанда рәсмиләрин наразылығына сәбәб олуб. Мәсәләјә мүнасибәт билдирән Хариҹи Ишләр Назирлијинин сөзчүсү Ајхан Һаҹызадә билдириб ки, Гарабағ һеч вахт “мүбаһисәли әрази” олмајыб вә Русијанын өзү бөлҝәни Азәрбајҹанын бир һиссәси кими таныјыб.
О, бу мүгајисәни јерсиз вә тәхрибат характерли адландырыб:“Азәрбајҹан һеч вахт башга дөвләтин әразисини ишғал етмәјиб, Азәрбајҹан 2020 вә 2023-ҹү илләрдә јалныз өз суверен әразисиндә әмәлијјатлар апарыб вә бејнәлхалг һүгуг нормаларына ујғун олараг өз мөвгејини бәрпа едиб”, - дејә Һаҹызадә вурғулајыб.
Бәјанатын ардынҹа Русија Хариҹи Ишләр Назирлијинин сөзчүсү Марија Захарова ҝәрҝинлији азалтмаға чалышараг Мединскинин тарихи вә сосиал аспектләри өнә чәкдијини билдириб.
Бунунла белә, мәсәләјә мүнасибәт билдирән политолог Елхан Шаһиноғлу дејиб ки, Мединскинин дедикләри дил сүрүшмәси дејил, Кремлдән ҝетдикҹә даһа чох дүшүнүлмүш месажлашма кампанијасынын бир һиссәсидир. Онун сөзләринә ҝөрә, бу ачыглама Крым да дахил олмагла, Украјнадан Русијанын зәбт етдији әразиләрин танынмасы үчүн Азәрбајҹана долајы тәзјигдир.
Хатырладаг ки, РИА Новости сон ҝүнләр Кремлдәки ады ачыгланмајан мәнбәјә истинадән билдирмишди ки, Москва Бакынын Русијанын јени реҝионларыны вә Крымы таныјаҹағына үмид едир.
Sizin rəyiniz