Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Фашист Исраил режим мәнбәләри Американын Ахиос сајтына билдирибләр: “Исраилин баш назири Бенјамин Нетанјаһу АБШ-ын Сурија үзрә хүсуси нүмајәндәси Том Барака Әбу Мәһәммәд әл-Ҹуланинин [Әһмәд әл-Шара] башчылыг етдији Суријанын јени һөкумәти илә АБШ васитәчилији илә данышыглара башламаға һазыр олдуғуну билдириб.”
Бу барәдә һәмин мәнбәләр белә мәлумат јајыблар: “Нетанјаһу ики тәрәф арасында һәртәрәфли компромис разылашмасына јол ачмаг үчүн Дәмәшглә тәһлүкәсизлик разылашмасы әлдә етмәјә чалышыр. Бу истәјинә наил олмаг үчүн Нетанјаһу АБШ президенти Доналд Трампын Сәудијјә Әрәбистанында Голани илә ҝөрүшү вә Вашингтонун Суријаја гаршы санксијалары ләғв етмәк гәрары да дахил олмагла, бир сыра реҝионал һадисәләрдән истифадә едиб.”
Сионист рәсми иддиа едиб ки, Голани бирбаша Анкарадан әмр алмыр. Вашингтон вә Әр-Ријадла мөһкәм әлагәләр гурмаг истәдијини бәјан едиб вә буна ҝөрә дә сионист режим бу јанашманы Суријанын јени һөкумәти илә мүнасибәтләрини нормаллашдырмаг үчүн дипломатик фүрсәт һесаб едир.
Гејд едәкки, бир нечә ҝүн өнҹә АБШ Конгресинин үзвү Мерилин Статсман, Суријаны идарә едән террорчуларын лидери Әбу Мәһәммәд әл-Ҹуланинин Суријанын бирлијинин горунмасы шәрти илә сионист режимлә сүлһә вә Ҹолан тәпәләри илә бағлы данышыглара һазыр олдуғуну ифша етмишдир.
О, Голани илә данышдығыны вә бу данышыгларда ишғал олунмуш Ҹолан тәпәләри мәсәләси дә дахил олмагла, сионист режимлә фикир ајрылыгларынын сијаси јолла һәллинә һазыр олдуғуну вурғулајыб.
Амма бүтүн бунлар елә бир вахтда баш верир ки, сионист режим Бәшшар Әсәд режиминин сүгутундан сонра Суријанын мүхтәлиф бөлҝәләрини јүзләрлә дәфә бомбалајыб вә өлкәнин ҹәнубуну ҝениш шәкилдә ишғал едиб, лакин сионист режимин бу тәҹавүзләри вә ишғал етмәләри террорчу Ҹолани режими тәрәфиндән һеч бир ҹидди реаксија илә гаршыланмајыб. Әксинә Голани вәһһаби террорчуларынын башчысы дәфәләрлә рәсми шәкилдә билдириб ки, Исраил фашист режими илә һеч бир проблемләри јохдур вә Ҹолани вәһһаби террор режими илә фашист Исраил режиминин мүштәрәк дүшмәнләри (јәни Иран вә Шиәлик) вардыр. Мәһз бу иддиаларына әсасән дә Голани террорчулары Суријада јашајан Әләбиләри вә Шиәләри гәтлиам едир вә онларын мүгәддәс јерләрини бағлајырлар.
Sizin rəyiniz