Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Мирает Әл-Бәһрејн хәбәр верир: “Бәһрејн режими өз халгы илә полис вә репрессив јанашма илә мүнасибәт гурур. Нәзарәт, тәгиб, јохланыш вә һәбс; Вәтәндашларын ҝүндәлик һәјатынын бир һиссәсинә дөнмүш сөзләр, һөкумәт ҝүҹүнү горумаг үчүн тәһлүкәсизлик васитәләринә архаланмаға давам едир.”
Сон бир ајда вәһһаби Хәлифә сүлалә режими тәһлүкәсизлик репрессијасынын јени далғасыны јаратды; күтләви һәбсләр, чағырышлар вә һәтта тамамилә динҹ иҹтимаи топлантылара вәһшиҹәсинә һүҹумлар һәјата кечирди.
Бу репрессија тәкҹә күчә вә хијабаныарла мәһдудлашмыр, һәм дә иҹтимаи фәалијјәтләрә, о ҹүмләдән өмүрлүк һәбс ҹәзасыны чәкән танынмыш Бәһрејн мүхалифәт лидери Шејх Әли Салманын аиләсинә баш чәкмәк вә һәтта сосиал шәбәкәләрдә пајлашымлары да әһатә едиб.
Проблем ондадыр ки, режим бу тәһлүкәсизлик јанашмасындан јорулмајыб; тәгсирсиз олдуғуну вә ҹинајәт төрәтмәдијини сүбут етмәјә мәҹбур едилән вәтәндашларла даим тәгсирләндирилән шәхс кими рәфтар едир.
Бәһрејнә зор ҝүҹү илә һаким кәсилмиш вәһһаби Хәлифә сүлаләсинин рәсмиләри тез-тез башгалары илә бирҝә јашамаг вә диалогдан данышсалар да, реаллыг бу иддиаларын әксини ҝөстәрир.
Дахили Ишләр Назирлијинин билаваситә табелијиндә олан дөвләт вә тәһлүкәсизлик органларынын фәалијјәтинә ашағыдакылар дахилдир:
* Һүгуг мүдафиәчиләрини, диссидентләри, журналистләри вә һәтта дин хадимләрини садәҹә фикирләрини ифадә етдикләринә ҝөрә һәбс етмәк.
* Истинтаг тәҹридханаларында мәһбуслара гаршы ишҝәнҹә вә пис рәфтар.
* Исраилин “Пеҝасус” програмы кими аләтләр васитәсилә рәгәмсал ҹасуслуг.
* Мүстәгил медиа вә һөкумәтә ујғун олмајан интернет сајтларынын филтрасијасы.
* Ифадә азадлығына вә сијаси фәалијјәтә гаршы репрессив ганунларын гәбулу.
* Тәһлүкәсизлик вә һәрби гурумларда өлкәнин 95%-ни тәшкил едән Шиәләрә гаршы дини ајры-сечкилик.
* Сијаси оппонентләрдән вә фәаллардан вәтәндашлығын ләғви.
* Мүхалифәт партија вә групларынын ләғв едилмәси вә онларын фәалијјәтинә гадаға гојулмасы.
Бу дурума бахараг, белә бир суал јараныр: Бәһрејн халгы дәјишиклик үмидини итирибми? Бәһрејн Шиә халгынын бу суала ҹавабы, бир мәналы олараг јох вә “хејр” демәкдир. Халг әввәлдә олдуғу кими јенә дә реал диалог, әдаләт, бәрабәрлик вә ислаһатлар тәләб етмәкдә давам едирләр; етираз сәсләринә ҝөрә репрессија вә һәбсләрә дә јох дејирләр.
Sizin rəyiniz