Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Ислам Ингилабынын Рәһбәри Ајәтуллаһ Хаменеи бу сәһәр (чәршәнбә ахшамы, 1404-ҹү ил Хордад ајынын 14) 04 Ијун 2025-ҹи ил, Теһранда, Имам Хомејнинин (р.ә) вәфатынын 36-ҹы илдөнүмү мүнасибәтилә кечирилән мәрасимдә һәр ил олдуғу кимибу ил дә нитг сөјләјиб.
Ингилаб Рәһбәри бәдхаһларын Иран халгында “Биз баҹарарыг” руһуну арадан апармаг үчүн төкдүкләри планларыны бу кимлик елементинин мисилсиз әһәмијјәтинин әламәти һесаб едиб вә бир даһа хатырладыб:
Инди бу нүвә мәсәләсиндә вә Оманын васитәчилији илә апарылан данышыгларда америкалыларын тәгдим етдији план 100% “Биз баҹарырыг” шүарынын әлејһинәдир.
Үмүдүнја Мүсәлманларынын Али Рәһбәри Ислам Ингилабынын буҝүнкү дүнјада баш верән һадисәләрә һисс едилән тәсирләринә тохунараг, вурғулајыблар:
Мәрһум Имам имандан гајнагланан тәдбирлилик вә расионаллыгла ингилабын вә өлкәнин гүдрәтли вә шәрәфли һәрәкатынын давам етдирилмәси принсипләрини әсас “милли истиглал” анлајышы алтына дахил етмишдир. Мәһз бу принсипләрин ишығында әзиз Иранымыз тәрәггијә, иҹтимаи рифаһа, давамлы тәһлүкәсизлијә, хариҹи мөвгеләринин даһа да јахшылашмасына вә парлаг ҝәләҹәјә наил олаҹагдыр.
Али Рәһбәрин Информасија Мәркәзинин мәлуматына ҝөрә, Ајәтуллаһ Хаменеи милли нүвә мәсәләсини дә ачыглајыб. О, Иранын там вә гүрурлу нүвә јанаҹағына малик олмасыны халгын вә ҝәнҹ алимләрин “Биз буну баҹарарыг” инамынын нәтиҹәси адландырыб.
Имам Хаменеи, бу сәнајенин диҝәр елм вә сәнаје саһәләринин тәрәггисинә ҝөстәрдији мүһүм тәсирләринә тохунараг, АБШ-ын тәгдим етдији нүвә планыны “Биз баҹарарыг” рәһбәр принсипи илә тамамилә зидд һесаб едиб вә вурғулајыб:
Зәнҝинләшдирилмәмиш нәһәнҝ нүвә сәнајеси практики олараг фајдасыздыр. АБШ вә сионист режим билмәлидирләр ки, Иранда нүвә сәнајесини арадан апармаг олдуглары әсас мәгсәдләринә чатмаг үчүн һеч бир гәләт едә билмәзләр.
О, Имам Хомејнини Ислам Республикасынын артан, сабит вә нүфузлу системинин бөјүк мемары һесаб едиб вә дејиб:
Бөјүк дөвләтләрин тәнәззүлү, чохгүтблү системин формалашмасы, Американын статусунун вә тәсиринин кәскин шәкилдә азалмасы, һәтта Авропа вә Америкада сионизмә нифрәтин артмасы, бир чох халгларын ојанмасы вә Гәрб дәјәрләринин рәдд едилмәси истигамәтиндә һәрәкәти кими мәсәләләрдә о бөјүк инсанын вәфатындан 36 ил сонра онун варлығы вә ингилабынын тәсирләри һәлә дә һисс олунур.
Ингилаб Рәһбәри “Иран халгынын бир дин алими тәрәфиндән сәфәрбәр едилмәси, имам вә халгын тәпәдән-дырнаға кими силаһланмыш вә хариҹи дөвләтләрдән асылы олан Пәһләви режими үзәриндә әли бош гәләбә чалмасы, тәкәббүрлү вә таланчы америкалыларын вә мүфтәхор сионистләрин Ирандан сүпүрүб ешијә атмасы” гаршысында Гәрб дүнјасынын гафилҝир олмасына вә тәәҹҹүбүнә тохунараг бујурублар:
Гәрблиләрин икинҹи сүрпризи Имамын планы вә тәгиби илә Ислам Республикасы системинин формалашмасы олду.
Америкалыларын Иранда сөвдәләшән һөкумәтин гурулмасына вә бу өлкәдә өз гејри-гануни марагларынын бәрпасына етдикләри үмидләрини хатырладан Ајәтуллаһ Хаменеи әлавә едибләр: Имам Иранда ислами вә дини гурулушун гурулмасы илә бағлы мөвгеләрини ачыг шәкилдә ифадә етмәклә америкалыларын бу үмидини пуча чыхартды вә дүшмәнләрин (Ислам вә Ирана гаршы) дағыдыҹы фитнәләри дә бурадан башлады.
О, Гәрбин, хүсусилә дә АБШ-ын Ислам Ингилабына гаршы дағыдыҹы планларынын һәҹмини, мүхтәлифлијини вә интенсивлијини мүасир ингилаблар тарихиндә мисли ҝөрүнмәмиш адландырыб вә бујурублар: Етник тәһрикләр, әксингилаби вә солчу груплары силаһландырмаг, Сәддам адлы ганичән ҹанавары Ирана һүҹум етмәјә сөвг етмәк вә дәстәкләмәк, еләҹә дә Имам Хомејнинин сијаси, әгидәви вә дини кадырларыны өлдүрмәк дүшмәнләрин әдавәт һәрәкәтләриндән иди. Нүфузлу алим вә шәхсијјәтләрин террор едилмәси хәтти сонракы онилликләрдә нүвә алимләринин өлдүрүлмәси илә давам етдирилди.
Ингилаб Рәһбәри “давам едән һәртәрәфли санксијалар, АБШ-ын Тәбәсә һәрби һүҹуму вә Фарс көрфәзи үзәриндә Иран сәрнишин тәјјарәсинә һүҹуму” Иран халгынын вә Ислам Ингилабы дүшмәнләринин диҝәр пис нијјәтли һәрәкәтләри адландырыб вә бујурублар: Бүтүн бу суи-гәсд вә террорлар архасында тәкәббүрлү һөкумәтләр, хүсусән дә АБШ вә сионист режим, АБШ Мәркәзи Кәшфијјат Идарәси, Британијанын МИ6-сы вә ишғалчы режимин Моссад кими ҹасус аҝентликләри дајанырды.
О, бу декадант вә дағыдыҹы һәрәкәтләрин мәгсәдини Ислам Республикасыны зәифләтмәк һесаб едиб вә вурғулајыб: Милләт вә систем бүтүн бу фитнәләрә синә ҝәрмиш вә миндән чох фитнәнин гаршысыны алмышдыр вә Ислам Республикасы нәинки зәифләмәмиш, әксинә, өз јолуна там ҝүҹү илә давам етмишдир вә бундан сонра да игтидарла ирәлиләмәјә давам едәҹәкдир.
Һәзрәт Ајәтуллаһ Хаменеи емосијаларын ағыл үзәриндә үстүнлүк тәшкил етмәсини бөјүк бир фәлакәт вә ингилабларын, о ҹүмләдән Франса Ингилабынын әсил һәдәфиндән сапмасында әсас амил һесаб едәрәк вурғулады: Мәрһум алимәгамлы Имам гејб аләминә олан имандан ирәли ҝәлән Илаһи узагҝөрәнлик вә расионаллыг илә Ислам Ингилабыны бу дағыдыҹы фәлакәтдән горуду вә она тохунулмазлыг верди, ингилабы вә халгын һәрәкатыны илкин јолундан јајындырмаг үчүн һиссләрин ағыл үзәриндә һөкмранлығына имкан вермәди.
Имам Хаменеи һәзрәтләри, Вәлијји Фәгиһин һимајәси вә милли истиглалијјәти Имам Хомејни һәзрәтләринин расионаллығынын ики сүтуну адландырараг әлавә етди: Вәлијји Фәгиһ сүтуну дини ҹәһәтин мүһафизәчисидир вә халгын мәгсәд вә әгидәсинә әсасланан фәдакарлығындан доған ингилабын јолундан азмасынын гаршысыны алыр. Милли истиглал да Имамын бир чох фикир вә һәдәфләрини өзүндә еһтива едир.
Ајәтуллаһ Хаменеи милли истиглалијјәтин тәҹрид вә дүнја илә әлагәләри кәсмәк кими јозулмасыны надүрүст вә бир нөв јанлышлыг һесаб едиб вә әлавә едибләр:
Милли истиглал о демәкдир ки, Иран вә милләт өз ајаглары үзәриндә дајанараг вә башгаларына архаланмадан јашыл ишығы ҝөзләмәсинләр. Америка вә бу кими режимләрин гырмызы ишығындан нараһат олмасынлар, диҝәр гүдрәтләрин тәсдиг вә ја мүхалифәтини нәзәрә алмадан өз мүһакимәләри илә гәрар вериб лазыми аддым атсынлар.
Үмүдүнја Мүсәлмаларынын Али Лидери мөһтәрәм Имамын (ә) милли истиглал мөвзусундакы ифадәләриндән ирәли ҝәлән биринҹи принсипи билдирәркән “Биз баҹарырыг” принсипини вурғулајараг бујурмушлар:
Милләти “Биз баҹармырыг” инанҹына инандыран залым режимдән фәргли олараг, Имам Иранын милли кимлијиндә, ҝәнҹләриндә вә сијасәтчиләриндә өзүнә инам вә “Биз баҹарырыг” һиссини ҹанландырды вә өлкәнин елм, технолоҝија, мүдафиә, инкишаф вә гуруҹулуг саһәләриндә әлдә едилән һејрәтамиз ирәлиләјишләр мәһз бу руһ вә әгидәдән гајнагланыр.
Ингилаб Рәһбәри бәдхаһларын Иран халгында “Биз баҹарырыг” руһуну мәһв етмәк үчүн төктүкләри планларыны бу кимлик елементинин мисилсиз әһәмијјәтинин әламәти һесаб едиб вә гејд едибләр: Инди, бу чох нүвә мәсәләсиндә вә Оманын васитәчилији илә апарылан данышыгларда америкалыларын тәгдим етдији план 100% “Биз баҹарырыг” руһуну әлејһинәдир.
Һәзрәт Ајтуллаһ Хаменеи, өз әгидәсинә ујғун һәрәкәт етмәји, бөјүк дөвләтләрин ирадәсинә, зоракылығына бојун әјмәмәк мәнасыны верән “мүгавимәт” принсипини милли мүстәгиллијин диҝәр тәркиб һиссәси адландырмыш вә “мүдафиә гүдрәтинин јүксәлдилмәси”ни диҝәр принсип кими вурғулајараг демишдир: Ингилабын әввәлиндә мүдафиә истеһсалында имканларымыз чох кичик иди вә сыфыра јахын иди, лакин Имамын тәшвиги вә вурғусу илә мүдафиә гүдрәтинин артырылмасы иши елә башлады ки, бу ҝүн дүнјанын мүдафиә гүдрәтләринин гијмәтләндириҹиләри Иранын бәзи мүдафиә категоријаларында реҝионда биринҹи јердә олдуғуну етираф едир вә јахуд санксијалара бахмајараг, Иранын бәзи налијјәтләриндән тәәҹҹүбләндикләрини билдирирләр.
“Изаһ етмәк” принсипи Иранын милли истиглалијјәтинин тәмин едилмәсиндә Имамын әгли вә әмәли системинин башга бир һиссәси иди ки, Ингилаб Рәһбәри буна ишарә едиб вә бујурублар: Имам 1962-ҹи илдә һәрәкатын башланғыҹындан өмрүнүн сон илинә гәдәр халга мүһүм мәсәләләри изаһ етди. Онун сон бир илдә халга, Дини Елми Һөвзәләрә вә академикләрә үнванладығы јазылар ән јахшы јазыларындандыр. Тәбии ки, Имамын изаһы тәкҹә дујғулара әсасланмырды, һәм дә дәлилләрлә ағыллары инандырыр, ејни заманда гәлбләрлә вә бејинләрлә данышырды.
Һәзрәт Ајәтуллаһ Хаменеи тәслим олмамаг вә дүз јолда давам етмәк мәнасыны верән “сәбр” принсипини Имамын нәзәриндә милли истиглал мәфһумунун диҝәр принсипи һесаб едәрәк әлавә едиб: Мөһтәрәм Имам халгын вә ҝәнҹләрин фикир вә гәлбләрини бу принсипләрлә таныш едиб мүшајиәт етмишдир вә бу принсипләрә әсасланан расионаллыгла ингилабын кимлијини вә онун дүз хәтт үзрә давамлы һәрәкәт етмәсин зәманәт вермишдир.
Ислам Ингилабынын Али Рәһбәри, бәзи инсанларын расионал олмаға чағырышларындакы мәгсәдләринин Америка вә залымлара бојун әјмәк вә тәслим олмаг мәнасына ҝәлдијини һесаб едәрәк вурғулајыблар: Бу расионаллыг дејил; расионаллыг будур ки, Имам халгы вә өлкәни ҝүҹлү вә гүдрәтли етмәклә, халгын гаршысында парлаг ҝәләҹәк гурмагла Ираны дүнјада шәрәфли едә билмишдир. Һансы ки, иншаллаһ, Имамын расионаллығы илә әсасы гојулмуш јолда милли һәрәкаты давам етдирмәклә, милләт давамлы тәһлүкәсизлик, тәрәгги вә үмуми рифаһ вә даһа бөјүк бејнәлхалг тәрәгги әлдә едәҹәк.
Ингилаб Рәһбәри чыхышынын диҝәр һиссәсини милли нүвә мәсәләсинин изаһына вә халгын маарифләндирилмәси үчүн мәгамларын ифадә олунмасына һәср едәрәк бујурдулар: Ҝәнҹләринин интеллекти вә зәһмәткеш алимләринин сәји сајәсиндә Иран там нүвә јанаҹағыны әлдә едәбилмәсинә наил ола билди, һалбуки дүнјада бу габилијјәтә малик олан өлкәләр чох аздыр.
Зати Алиләри, нүвә сәнајесинин фајдаларынын јалныз тәмиз вә уҹуз електрик енержиси истеһсалы илә мәһдудлашмадығыны һесаб едәрәк әлавә етмишләр: Нүвә сәнајеси ана вә әсас сәнаједир, иҹтимаијјәтә тәгдим едилмәли олан експертләрин вә алимләрин һесабатларына ҝөрә, нүвә физикасы, енержи мүһәндислији, материал мүһәндислији кими фундаментал елм вә мүһәндислијин мүхтәлиф саһәләри, һәмчинин тибби аваданлыглар, аерокосмик вә дәгиг електрон сенсорлардакы дәгиг вә һәссас технолоҝијалар нүвә сәнајесиндән асылыдыр вә ја ондан тәсирләнир.
Һәзрәт Ајәтуллаһ Хаменеи нүвә сәнајесинин тибб вә әҹзачылыг секторларында ағыр хәстәликләрин диагнозу вә ја мүалиҹәси үчүн фајдаларыны, еләҹә дә бу сәнајенин кәнд тәсәррүфаты вә әтраф мүһитлә бағлы сәнајеләрә тәсирини диҝәр практик саһәләр арасында садалајараг билдирмишләр: Нүвә сәнајесиндә уранын зәнҝинләшдирилмәси дүшмәнләримизин дә тохундуғу әсас вә әсас мәгамдыр.
Зәнҝинләшдирмә имканлары олмадан нәһәнҝ нүвә сәнајесинин фајдасыз олмасынын сәбәбини изаһ едән Ислам Дүнјасынын Али Лидери вурғулајыблар: Зәнҝинләшдирмәдән, електрик стансијаларыны јанаҹагла тәмин етмәк үчүн нүвә јанаҹаглары саһибләринә әл ачараг мүраҹиәт етмәлијик; тәсәввүр един санки бизә дејирләр ки, нефтинизин олмасына бахмајараг, сизин нефт емалы заводлары тикмәјә, бензин истеһсал етмәјә ихтијарыыз јохдур. Һәм дә бензининизи алыб тәдарүк етмәк үчүн башга өлкәләрин истәјинә ујғун һәрәкәт етмәлисиниз.
Ислам Ингилабынын Рәһбәри әлавә едибләр: Зәнҝинләшдирмә вә јанаҹаг истеһсал етмәк имканы олмадан, һәтта 100 атом електрик стансијасынын олмасы да фајдасыздыр; чүнки биз јанаҹаг тәмин етмәк үчүн АБШ-а мүраҹиәт етмәлијик вә америкалылар бунун үчүн онларла шәрт гоја биләрләр, неҹә ки, 2005-2015-ҹи илләрдә 20 % уран јанаҹағыны тәмин етмәк мәсәләсиндә буну тәҹрүбә етдик.
Имам Хаменеи һәзрәтләри, ики дост өлкәсинин АБШ-ын о вахткы президентинин тәләби илә Иранын 3,5 фаиз зәнҝинләшдирилмиш материалын бир һиссәсинин 20 фаизлик јанаҹаг мүгабилиндә дахили еһтијаҹларын өдәнилмәси үчүн васитәчилијинә тохунараг бујурмушлар: Һәмин вахт мәмурлар дәјишмәни гәбул етдиләр вә мән дедим ки, гаршы тәрәф 20%-лик јанаҹағы Бәндәр Аббаса көчүрмәлидир, биз сынагдан кечирдикдән сонра дәјишдирмәни һәјата кечирәҹәјик, лакин онлар бизим чалышганлығымызы, тәкидимизи ҝөрүб вәдләринә хилаф чыхдылар вә 20%-лик јанаҹағы вермәдиләр.
Али Мәгамлы Ислам Рәһбәри Һәзрәти Ајәтуллаһ Хаменеи әлавә даһа сонра әлавә едәрәк билдирмишләр: Тәбии ки, сијаси тоггушмалар заманы алимләримиз 20 фаизлик јанаҹағы өзләри дахилдә истеһсал етдиләр.
Ингилаб Рәһбәри америкалыларын нүвә мәсәләси илә бағлы илк сөзләрини вә тәләбләрини Иранын бу сәнаједән тамамилә мәһрум едилмәси вә халг үчүн мүхтәлиф фајдалары, һәмчинин минләрлә ҝәнҹ нүвә тәдгигатчы вә елм адамынын ишсизлији вә үмидсизлији адландырыб вә дејибләр: АБШ-ын кобуд вә тәкәббүрлү лидерләри бу тәләби мүхтәлиф формаларда тәкрарлајырлар.
О, Американын зоракы тәләбләринин реаллығыны Иран халгынын тәрәгги вә зәнҝинләшмәсинә гаршы чыхмаг һесаб едәрәк вурғулајыблар: Бу фактлары она ҝөрә билдирдик ки, Иран милләти мүәјјән гәдәр мәлуматлы олсун; мәмурлар да әтрафлы изаһат вермәлидир.
“Бизим Американын Сәс-күјлү вә тәдбирсиз һөкумәтинин ҹәфәнҝијјатына ҹавабымызын бәллидир” ифадәсини вурғулајан Ајәтуллаһ Хаменеи бир нечә ил әввәл АБШ президентләриндән биринин аҹизлијини хатырладараг, әҝәр баҹарсајдым, Иранын нүвә сәнајесиндәки винтләриндән бирини ҝевшетәрдим арзусуна ишарә ефәрәк билдириб вә әлавә едибләр: Бу ҝүн бизим нүвә сәнајемизин винтләри хејли мөһкәмләниб вә о президент һеч нә едә билмәјәҹәјини етираф етдији кими, буҝүнкү сионист вә американ һөкмдарлары да билмәлидирләр ки, бу мәсәләдә һеч бир гәләт едә билмәзләр.
Вәлијји Фәгиһ, Һәзрәт Ајәтулла Хаменеи Ислам Республикасынын америкалылара вә Иранын нүвә сәнајесинин диҝәр әлејһдарларына илк сөзләрини онларын иддиаларынын һүгуги әсасыны шүбһә алтына алмаг кими гијмәтләндириб вә дејиб: Онлара месажымыз будур ки, Иран халгынын сечими өз әлиндәдир. Сиз киминиз вә һансы һүгуги мөвгедән бизим ураны зәнҝинләшдирмәк вә ја зәнҝинләшдирмәмәк мәсәләси барәдә мүдахилә едирсиниз?
Ингилаб Рәһбәри чыхышынын јекун һиссәсиндә сионист режимин Гәззәдәки һејрәтамиз вә ағласығмаз ҹинајәтләринә ишарә едәрәк, онларын гида пајлама мәркәзи кими бир мәркәз јаратмагла инсанлара һүҹум едәрәк онларә гәтлә јетирмәләринә ишарә едәрәк гејд едибләр: Бу һәддә алчаглыг, хәбислик, гәддарлыг вә пислик һәгигәтән һејрәтләндириҹидир.
Имам Хаменеи Һәзрәтләри, Американы сионист режимин ҹинајәтләриндә шәрик олдуғуну вурғулајараг әлавә едибләр: Она ҝөрә дә биз исрар едирик ки, Америка бу реҝиону тәрк етмәлидир.
Һәзрәт Ајәтуллаһ Хаменеи Ислам һөкумәтләринин үзәринә дүшән вәзифәни ағыр адландырараг, бу ҝүн нә дүшүнмәјә, нә мүһафизәкарлыға, нә нејтраллыға, нә дә сусмаға јер олмадығыны вурғулајараг әлавә едибләр: Әҝәр Ислам һөкумәти һәр һансы бир шәкилдә вә ја һәр һансы бәһанә илә бу режими дәстәкләсә, истәр мүнасибәтләри нормаллашдырмагла, истәр Фәләстин халгына јардым јолуну бағламаг, истәрсә дә сионистләрин ҹинајәтләринә һагг газандырмагла олсун, алнында әбәди рүсвајчылығын галаҹағыны дәгиг билмәлидир.
Ислам Ингилабынын Рәһбәри сионистләрлә әмәкдашлығын илаһи вә ахирәт әзабыны чох шиддәтли вә ағыр һесаб едәрәк әлавә едиб: Тәбии ки, бу дүнјада белә халглар бу хәјанәтләри унутмајаҹаглар; әлавә олараг, сионист режимә архаланмаг һеч бир һөкумәт үчүн тәһлүкәсизлик јаратмыр, чүнки бу режим Аллаһын гәти һөкмү илә сүгут едир вә иншаллаһ, онун реаллашмасы узун сүрмәјәҹәк.
Һәзрәт Ајәтуллаһ Хаменеи Әрәфат ҝүнүнү дә дуа, тәвазөкарлыг, диггәт вә јалварыш баһары һесаб едәрәк, халга, хүсусән дә ҝәнҹләрә Әрәфат фүрсәтиндән максимум истифадә етмәји, бу ҝүндә Имам Һүсејнин (ә) охудуғу Әрәфә дуасыны, һәмчинин Сәһифәи Сәҹҹадијјәнин 47-ҹи дуасыны охумағы вә баҹардыглары гәдәр Аллаһла разу-нијаз етмәләрини төвсијә етди.
Sizin rəyiniz