Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Еквадор Президенти Даниел Нобуа президент сечкиләриндә галиб ҝәлдикдән сонра өлкә парламентиндә президент кими анд ичиб.
О, парламент бинасы гаршысына топлашан тәрәфдарларына билдириб: “Мафиоз һүҹумлара мәруз галан вә бунун бәдәлини өдәјән өлкәмизә тәрәгги ҝәтирәҹәјик.”
Намизәди сечкидә мәғлуб олан солчу Вәтәндаш Ингилабы Партијасынын нүмајәндәләри мәрасимдә иштирак етмәјибләр.
Нобуанын гәләбәси, онун рәгибләринин сечки сахтакарлығыны иддиа етдији вә өлкәнин Милли Ассамблејасындан бир сыра сечки мәнтәгәләриндә сәсләрин јенидән һесабланмасыны тәләб етдији вахта баш вериб. Лакин ады чәкилән гурум рәгибләрин иддиа вә тәләбләрини рәдд едиб.
Еквадор президенти мүтләг проблемләри һәлл етмәлидир ки, бунлардан ән мүһүмү тәһлүкәсизлик вә игтисади бөһранлардыр.
Сечилмиш президентин гаршысында дуран вәзифә игтисади мәсәләләр вә сосиал проблемләрин һәллидир, чүнки Еквадор ишсизлик нисбәтләринин, сәһијјә вә тәһсил секторларында проблемләрин әһәмијјәтли дәрәҹәдә артмасынын шаһидир.
Гејд едәк ки, Даниел Рој Һилкрист Нобоа Асин Еквадорлу сијасәтчи, дөвләт хадими вә банан сәнајесиндә иш адамыдыр. О, 30 нојабр 1987-ҹи ил, АБШ-ын Флорида штатынын Мајами шәһәриндә дүнјаја ҝөз ачыб. 23 нојабр 2023-ҹү илдән сечкиләрдә сәс занараг Еквадор Президенти олуб. 35 јашында вәзифәјә башлајан Нобоа Еквадор тарихиндә икинҹи ән ҝәнҹ президент (биринҹиси Хосе Флорес ј Арамбуру иди) вә халг сәсвермәси илә сечилән ән ҝәнҹ президентдир.
Нобоа 2021-ҹи илдән 2023-ҹү илә гәдәр Еквадор Милли Ассамблејасынын үзвү олуб, президент Ҝуиллермо Лассо тәрәфиндән башлатылан муерте ҹрузада механизми чәрчивәсиндә ләғв едилиб. Сијаси карјерасындан әввәл Нобоа аилә бизнесиндә бир нечә вәзифәдә чалышыб. Атасы Алваро Нобоа беш дәфә Еквадор президентлијинә намизәдлијини ирәли сүрүб. Даниел Нобоа тез-тез атасынын ширкәтинин вә сәрвәтинин вариси кими хатырланыр.
2023-ҹү илин мај ајында Нобоа 2023-ҹү ил нөвбәдәнкәнар сечкиләрдә Милли Демократик Фәалијјәт билети илә мүбаризә апарараг президентлијә намизәдлијини ирәли сүрүдү.
Сечкиләрин икинҹи турунда о, Луиса Гонзалеслә јарышыб. Нобоанын дәстәк сајы сечкиләрә бир нечә ҝүн галмыш аз олса да, икинҹи турда сәсләрин тәхминән 52%-ни топлајан Нобоа 15 октјабр 2023-ҹү илдә кечирилән сечкидә галиб ҝәлди.
Нобоа һазырда дүнјанын демократик јолла сечилмиш ән ҝәнҹ дөвләт башчысыдыр вә Буркина Фасодан олан Ибраһима Траоре вә Исландијалы Криструн Фростадоттирдән сонра исә үчүнҹү ән ҝәнҹ һөкумәт башчысыдыр.
О, 2025-ҹи илин апрелиндә, нөвбәти мүддәтә јенидән президентлијә сечилди.
Sizin rəyiniz